四川餐



蒸過火





 

呢間四川餐廳是頂回來從新開張冇耐,前身是一間中餐廳,已經開咗有十幾年,以前叫鴻運,我們經常去吃,不知甚麽原因出售?老表接手後改為四川菜,有火煱,同一條街不遠亦有一間四川餐廳叫巴國布衣,門外有副木對聯,"巴國出詩酒,布衣傲王候"做咗一年都唔夠就執咗,我想四川麻辣火煱,唔係好啱鬼佬口味,上個月見到呢間川王府新開張,咪同我老婆去試下,小籠包老細話因太忙,蒸過火唔收我錢,送的多謝哂.

剛好我朋友同佢老婆去四川成都,佢 whats app咗一些相和短片比我睇,成都變咗好多,其中以武侯祠變最多,廾多年前去時還記得柏樹参天,環境清靜,杜甫有詩,''丞相祠堂何處尋,錦官城外柏森森,''依家睇到我朋友 whats app的短片,變咗一條食街,成個墟咁,真係冇眼睇咯.

免費無線上網



網速不錯可以睇港股即時串流報價



 



網速算不錯

每逢星期三下午五時,我都去呢個泳池,因小兒小女有遊泳課程,每堂半小時,已經差不多有八年,他們由完全唔識遊,變到蝶背蛙自四式皆識,以前有時我都陪他們遊一下,後來他們都不要我陪,嫌我遊得太慢,所以我多帶雜誌去看,不過幾個月前安裝咗免費 wifi ,速度都幾快,咪帶埋呢部老爺 note book來.

呢部老爺 note book是我幾年前返香港玩時,在深水埗黄金商場買的,買咗就帶埋跟康泰團到埃及,以為酒店有 wifi ,點知去到埃及一次都上唔到網,到處冇 wifi  四天尼羅河遊船亦欠奉,真係落後.

小米盒子







網速不夠快,睇高清電影下窒下



睇騰訊視頻幾好



前幾日收到我姨甥女從香港寄來的一部小米,去年我返香港玩時去過深水埗鴨寮街買咗一部四核心的機頂盒,體積比較大部,因為澳洲的網速實在太慢,睇下停下,睇到把鬼火,剛好有朋友從香港來我這裡過年,我順便托他常帶回香港送給一位朋友.

而我姨甥女話小米不錯,寄部小米比我試下,不過效果都晤係好滿意,好過先前的個部,因澳洲網速慢香港好多倍,皆因工黨陸克文執政多年,只講不做,去年比選民用選票趕他回鄉耕田養老,依家的執政聯盟去年才開始建設極高速寬頻,但都要幾年後才能使用,不過遲來好過唔來.

有人話小米機頂盒對香港 TVB帶來極大冲擊,TVB 不思進取,晚上還播放一套大陸配音膠劇'隨唐演義',好似遲些仲有部好嘢叫西遊記,香港唔使比錢冇話好講,但我每月要付50多澳元,真係冇陰公咯.

淺談種植

朋友送的

幾天後 

個多星期後瓜埋



我家室內植物,種咗好多年,陽光好的時侯,把它們哂下太陽



朋友家的後花園,因雀鳥啄食種子後,留下糞便,長出好多如第一幅相的花,他連根拔起二棵送給我,我見他如此拿來我家,不知說他甚麼?他好有心意送給我,但咁樣連根拔起,如何會種得生呢?這也不能怪他,因他連一點種植常識都冇,最起碼要連泥一起掘出,即香港花王行內的術語"泥膽",冇連泥膽一起掘,也有機會可能會種得生,根部用水浸住或搽上一些移植用的粉.

上個月有一位香港大學的學生,因種咗幾棵大麻而惹上官非,花旗的科羅拉多州和華盛頓州由今年一月一日起,年滿21歲可合法購買大麻吸食,又可自行種植不超過六棵,種植大麻好容昜,大麻亦分雄雌,只要有基本水種 hydroponic 常識就得啦,因水種好過用泥種.澳洲聽人說好似有一個州可以合法種植2棵大麻自用.

http://en.wikipedia.org/wiki/Legality_of_cannabis_by_country