 |
| 希爾頓酒店內的餐廳 |
 |
 |
 |
| 每人半打生蠔仔, 3.5澳元一隻 |
 |
 |
 |
 |
 |
尋晚鬼佬朋友又請我去鋸扒,今次已經是今年第三次了,都唔知點講,呢個世界真係有好多野無法理解,他每年都請我鋸扒幾次,獨沽一味就是西餐鋸扒,我以前試過唔去,但佢搵佢另外一位鬼佬朋友開車到我家載我,我話唔得閒,佢話一個星期七天唔得閒嗎?
他是蘇格蘭人,21歲就移民來澳洲昆士蘭,以前移民澳洲好容易,白澳政策關係,只要無犯罪紀錄,見白就收,澳洲地大物博福利好馳名,吸引大批無技能的白種窮鬼前來,一到步未納過一分錢稅就有福利享受,當年有新開始津貼 ,尋工津貼 ,車費津貼,租屋津貼,500小時免費英語課程,新移民到步第一件事先去社會福利署 centre link 登記申請福利,不過依家國庫同我荷包一樣,差不多乾哂啦,對唔住所有福利津貼取消哂,依家的澳洲政府不像以前,精明佐好多,收的投資移民至少要買幾百萬澳元國債才有得傾.
眨下眼他一住就住了半個世紀,認識他是因我有一位蘇格蘭朋友是他的好友,而我蘇格蘭朋友己移居溫哥華,我認識他都有20多年,但我從來冇問過他私人感情和家庭的事,只有他講我才知,他從未结過婚,亦無兒女,退休後到處搵朋友吹水,而我亦是他唯一的一位中國朋友,他知道我會趁去廁所時順便埋單,不過冇辦法,他是熟客一早吩咐好經理,其它人埋單不要收.
