種南瓜

13/10/2013

18/12/2013

5/1/2014

10/1/2014

南瓜原產地是南美,因它的種子比較厚,先浸一晚清水後才播種,咁樣發芽會容易些,種南瓜雖要的地方大,因為它不斷向外爬,愈爬愈遠,葉又大又多,公花和乸花差不多同一時間開花,若果乸花附近見唔到有蜜蜂和螞蟻,最好就幫它們人工授粉.


南瓜都冇セ病毒侵襲,成長後又唔怕雀鳥啄食,因為皮厚,而且又可以儲藏多月.西餐多切粒加油鹽胡椒粉放在焗爐焗熟後用來做伴碟菜,也有用南瓜來打湯,味道都唔錯,我都鍾意..

種番茄

12/10/2013



2/11/2013

24/11/2013

9/1/2014

朋友送比我的四棵番茄,他說好大好靚,所以留下種籽發芽,發芽後他用濕水紙巾包住然後送來給我.在此也要講声多謝,雖然佢冇睇我博..


放心蕃茄都是好粗生,冇咁容易瓜,只要移植在田或盆的時侯小心些,不要弄傷根部就可以,開始時淋水不用太多,保持濕潤.


蕃茄營養價值高,西諺有講,蕃茄一紅,醫生的臉就黑,常吃蕃茄可預防生癌,我吃唔哂多是拿來打蕃茄湯,好味呀.

網友情

豬房好清潔

呢幾本書都是她寄給我

睇到一位網友講,香港的綱友去吉隆坡玩時順道相見,又使我想起一位認識已八年多住在廣州的綱友,我們相識於炒股的網站,時間過得真快,當時她的女兒才幾個月大,現在已讀三年班,她炒股多年,但成績不太好,我每次返香港,她都希望能見我,可惜我地從未見過面,因每次都冇時間去廣州,她的先生有一農場在增城,養有豬,雞,鴨,蜜蜂,種有菜,她說若我們一家去廣州,她的先生會揾人宰隻豬,整個全豬宴,宰豬費都要600元人仔,佢話食得放心,唔怕有瘦肉精,我想隻豬咁大,點食得哂呢?.


她寄過二次旅遊書比我,雖然是簡體字,差不多都睇得明,唔明咪估下咯,我們保持聯絡是靠 we chat ,大6好似叫微信.每個星期都有幾次吹下水,她是湖南人,上海纺織大學畢業,不過我都未聽過呢間大學.

種合掌瓜

合掌瓜先擺放到頭部長出些少芽

緊記頭部向上才蓋泥

挖出來拍照比大家睇,放心,好粗生架,唔使怕瓜會死

跟住蓋泥

 

合掌瓜好粗生,而且好容易種,方法如上,最緊要瓜的頭部向上,若果種得好收成有成百幾二百個瓜.我每次種都食唔哂,剩下的送比朋友,自家種的拿來炒肉片好鮮味,煮湯亦好鮮甜,同街外買的味道差好遠.

 

 

埃及遊

Abu Simbel 神殿

方尖碑

今早在 Stella 姐個 blog留言,講起小兒小女話我点解每次都是帶他們去落後的地方,如越南,印度,埃及等地,他們好想去日本,但日本我己去過好多次,好啦下次遷就他們去日本.

講起埃及,又想起一位女團友,她講她前後去過埃及四次,話去咁多地方旅遊,都冇埃及咁好玩,我都認同,尼羅河遊船睇日落,風光如畫,紅海水清沙幼,藍天白雲,若果有機會我都想再去,她在稅局做高級職員,她告訴我老婆她還是雲英未嫁,陰公標梅己過,嫁杏無期,可惜我的朋友中多是有家室,想做媒人都冇機會啦.


Abu Simbel 神殿是拉美西施二世建做的,要自費每人150美元,根据年份估計,他很可能就是比摩西帶以色列人出埃及到應許之地的法老王,因為要建水霸,所以要把他的神殿從山下切割成一塊塊搬到山上.工程十分浩大,費用是聯合國捐助.


方尖碑全個埃及才得幾枝,以前比歐美爛仔搜掠一空,其中意大利攞得最多,但以法國巴黎協和廣場個枝最出名,好似木乃伊,大英博物館仲多個埃及.