宇航博物館
呢隻狗太空實驗品,先過太空人上太空
太空壓缩食物
戰爭博物館
馬戲團
莫斯科除了红牆克里姆林宮和聖巴素教堂之外,實在冇乜景點可看,旅行團只好加插一些如戰爭博物館,宇航博物館,馬戲團等節目,如果是自由行的話,時間不夠可以不去,參觀宇航博物館時,近門口有一部自動販賣機,賣的是太空人在太空時的糧食,壓缩成牙膏形狀,每枝大約30多港元,買了一枝試下,味道有點像煮溶了的西蘭花,据介紹太空人在太空上飲用的水,就是用自己的尿液過濾,每天在失重枯燥的環境下生活,心理和生理質素的確一流.
俄羅斯馬戲團本來睇完全場是四小時,因為要吃晚餐,只安排睇二小時,俄羅斯馬戲團非常有名,曾經到過香港表演,記得細细個時,老豆帶我第一次睇馬戲,當時馬戲表演搭的帳幕場地就是在啓德機場對面的九龍城空地,叫做沈常福馬戲團,歲月流轉,眨下眼就是大半個世紀之前的事了.
莫斯科SVO 机場
入境檢查櫃檯有中文告示
金環古城聖三一教堂
莫斯科地標
紅牆
黑里姆林宮內普京辦公室
莫斯科地下鐵車站
今次俄羅斯旅行一波三折,幾乎去唔成,原因是我香港的妹夫代我們報名參加美麗華俄羅斯旅行團,出發前兩個多月報名,一共十四人,點知出發前约兩個星期前通知,不能成團請取回按金,原來收訂金之前己知冇機位,我地就慘啦,未報名之前十四人左度右度,有些有工返的又要請假夾時間,幾經安排之下,終於有個出發日期可以報名啦,我妹夫出主意話報美麗華,佢話聽人說行程幾好喎,我一聽到美麗華個心已經感到不安,因為幾年之前我報美麗華印度旅行團,交好團费訂金後未能成團,我還有收据在手做証明.
差些比美麗華害到去唔成俄羅斯,焗住報其它旅行社改期出發,但是更想不到會遇上祖國十月一日國慶黃金週加中秋節,俄羅斯官方旅遊部門出報告,老表到俄羅斯人數創出歷史新高打破記錄,幾天沿途所見的景點都是老表旅行團人山人海,打蛇餅式排隊,快的話半個多小時,慢的話二個小時,老表你真係得既.
小型內陸機
步行上火山
朋友兩夫妻上個月去南太平洋的島國阿魯亜圖睇活火山, whats app 佐一些照片給我睇,以前睇過一鬼佬blog 介紹過呢個火山,幾年前在 yahoo 博也睇過行路人介紹過,印象深刻是因為呢個活火山是全世界唯一的一個可以近距離觀看火山爆發,爆發時火焰紅紅,漫天火花,每隔幾分鐘就爆發一次,想去睇呢個Yasur 活火山都算麻煩,先要飛去首都 Port Vila 再轉內陸小型飛機去一個叫Tanna 的小島.
阿魯亜圖也是我好想去的地方之一,計劃明年初坐郵船去南太平洋幾個小島,包括埋 New Caledonia, Fiji 但郵船只停 Port Vila 大半天,冇足夠時間去睇呢個活火山,想去就只有自由行,自由行要花幾天時間去一個國家,其它兩個國家我亦未去過,不能一次去埋,感覺有些可惜,魚與熊掌真不知道如何取捨?
Basil 八爪魚
西班牙酒,麻麻地好飲,太甜
佢仲叫多一客churro 打包給我帶返屋企食
蘇格蘭鬼佬朋友前晚又請我吃西班牙餐,今年巳經是第二次啦,呢個世界有好多事情是沒法理解,相識十多年次次都是他請,我不去他又不開心,去嗎次次都是他請,我自己亦感到唔好意思,每次我說今次讓我請好不好?他每次都是說下次,前晚我同佢講,如果下次你再請,我一定不來了,他說好的,今年九月他會經香港到加拿大探親,過境停留香港幾天,他知道我九月也是先到香港會合一班朋友再跟團去俄羅斯,如果在香碰到,就譲我請他吃一餐中餐喎.
在香港碰到他的機會可能會有的,因為大家都是差不多九月到香港,不過他由昆士蘭飛香港,而我由墨爾本飛,大家都是過境,世事難說,人生何處不相逢,如果真係碰到,我會帶他去沙田帝苑吃一餐中餐,因為我認識一位高層,等他知道原來中餐咁正架,開幾枝靚红酒不醉無歸,想起王維一首詩,新豐美酒斗十千,咸陽遊俠多少年,相逢意氣為君飲,繫馬高樓垂枊邊.
巴士站缐路
耶路撒冷巴士
耶路撒冷古城模型
死海古卷博物館
死海古卷
耶路撒冷的公共交通對外國自由行的旅客來說非常之不方便,因為所有介面全是用希伯萊文,我們去以色列博物館就是坐巴士去,上車前拿出地圖給司機看,到站叫我們落車.以色列博物館藏品亦不算少,但同英國的大英博物館相比就差得遠,以色列博物館旁邊有一座瓦罐形狀的建築物,叫死海古卷博物館,鎮館之寶就是死海古卷,收藏了八卷.
以色列博物館的範圍內亦建有一座古城和第二聖殿模型, 比例好似50比1,模型相當精细,有住宅,庭園,市場,街道等,館內仲有幾個展覽區,有現代科學也有古代,如果鍾意睇古董文物值得花半天時間去睇.每次去旅行完後有一種感覺好似蘇東坡的一首詩"蘆山煙雨浙江潮,未到千般恨不消,到得還來別無事,蘆山煙雨浙江潮".但不久心內又湧起一股想再去旅行的慾望.
