巴黎遊

金色彫像是纪念戴安娜王妃.下邊遂道就她車禍身亡的地方

購物村 OUTLET

老佛爺百貨公司

巴黎13區唐人街

朋友家的中秋節晚餐

海鲜燒烤餐廳

巴黎匆匆過了一個星期,冇見面31年的朋友,在機場見到他悲喜交集,慶幸大家别來無恙,上次見完面感覺好似冇幾耐之前的事,眨下眼原來已經過了31年,他幾乎每天開車載我們遊巴黎,不停吃喝購物,旅行回來後發覺自己的肚腩又大了成寸,剛好遇到中秋節,他請我們到他家過中秋,仲專程到唐人街買了一盒港式月餅,去年也是在歐洲過中秋,同是参加永安俄羅斯旅行團的一位團友請我和老妻吃了半個月餅.
 
朋友又請我們去一間海鲜燒烤餐廳吃海鮮,呢間餐廳真巴閉,晚晚都坐滿人,見門外好多人等位,不接受電話訂枱,只有在店內等.如果有九人,只有八人到達,還沒有到齊人也不會給枱,我對鬼佬燒烤一向冇乜好感,覺得味道一般般,港式燒肉燒鹅味道好太多了,因為他搶著埋單,也不知道價銭平貴.

巴黎我來啦

舊的10法郎硬幣是法國未用歐羅之前用的,當時大约11至12港元.

舊英國硬幣 不知道依家還可不可以用?



31年前在倫敦拍的舊照

前幾天執拾行李和舊物時無意中搵到一些舊硬幣,使我想起很多陳年往事,87年9月我同老妻由澳洲飛巴黎,朋友夫妻和我們在巴黎滙合,坐船到英國,歐遊完後倫敦飛香港再北上四川,登峨嵋山,遊九寨溝,回程停留成都.臨飛返香港的前一天,在錦江酒店的咖啡廳睇到一份英文日報頭版報導,香港股市停市四天,返香港後第二天股市重開,親眼見証香港股市爆發的股災,沽盤排山倒海,慘不忍睹.

下星期尾我又再次去巴黎,今次是我第三次去巴黎,對上一次去剛好是31年前,記得第一次去巴黎,上鐵塔只準上到第二層,又不用排隊,睇一些網上文章介紹,依家要打蛇餅排隊,快則半小時,慢則過多小時,皆因大量老表遊客,今次不去英國倫敦,改去北非摩洛哥,摩洛哥30多年前由巴黎坐火車到西班牙再坐船去,走馬看花短暫停留,我一位住在巴黎的朋友,歲月流逝轉眼冇見面已經31年了,巴黎風光依舊,但我心境情懷已不同,他說開車到戴高樂機場接我們,記得大6一位貪官說過,你去巴黎可以見到蒙娜麗莎,你去大6只可以見到村姑,我去巴黎最主要不是見蒙娜麗莎,而是想見他.

便宜莫貪

說我贏了5萬元或一部豐田汽車

恭喜喎,按回覆電話確認

按回覆電話每分鐘收費3.96元

今日睇到蘋果日報一單新聞

【本報訊】當大學財經講師遇上倫敦金騙子，誰勝誰負？曾在大學任教經濟科16年的姓陳女講師，早前接到一名自稱恒生銀行高層的男子來電，表示可批出350萬元低息貸款，條件是女事主要先墊支一成貸款額即35萬元開倫敦金投資戶口。女講師指對方熟悉行內專有名詞與貸款術語，覺得「佢好pro（專業）」，結果不足10日便被騙35萬元血汗錢.


我都不知道自已收到了多少次,超市中獎現金券短訊,來歷不名無顯示的電話,內有自稱稅局,移民局,銀行高層仲有中國領事館,只要我一收到立即收線,不用多費唇舌,他們最終目的只有一個,就是想騙你的血汗錢,前幾日收到一則短訊較為新鲜,話我中了5萬元或汽車一部,要我按他們的回覆電話確認,不過我冇按回覆確認,因為這個是收費電話,每分鐘3.96元肯定攪幾攪就十分八分鐘,就算不收費我都不會理佢地,最主要是我點會咁好運中5萬元或汽車一部呢?光棍佬教仔便宜莫貪,天下烏鴉一樣黑.

汽車保險

當日到車行取車時sales幫我拍了一張照片

今年四月十五日,一鬼仔開的車撞到我的左邊車尾

看好似損毀不太嚴重



保險叫我拿去我家附近的修車行修理.修車公司後來同我說,因為損毀嚴重,不值得花時間修理,申報保險total loss,我電話申報,之後他們回覆給我的email



新增說明文字

保險公司安排租一部車給我暫時替用.因為車頭有些刮花,所以拍照作証



等了差不多三個月,新車上星期送到我家門外

去年十月俄羅斯回來後訂買了一部新 Honda Civic,開了半年行了大约8500公里,真係唔好彩今年四月十五日給一年青鬼仔,比他開的車從後撞了一下,當時鬼仔同我說部車唔係好傷喎,你claim我的保險啦,睇落好似唔係好傷,之不過呢一下碰撞,我的新車就玩完報銷 total loss. 唔好彩之中有的好彩,就是我買的保險條款中有一條,兩年之內我的車交通意外報銷我可以換回一部同款同型號的新車,不是每間保險公司都有呢條賠新車的條款,如果冇呢條條款,賠錢的話是賠市價,新車落地已經唔見一碌,又要折舊.

等新車等了差不多三個月,呢段時間保險公司安排一部租車給我用,是韓國仔的現代,我開了四十年車還是第一次開韓國仔的車,性能同日本仔的車差很遠,自動波轉波加速不流暢,.租呢部車保險公司只幫我買第三保,我自已又不想再花錢買全保,如果有意外是我過失的話,要賠excess是2200澳元,好彩開了差不多三個月冇事.

香港之前有一單新聞,一位香港人到台灣租車自駕遊,撞爛車後逃返香港,比人信用卡扣數後來停付,最後不知結果如何?我已經有30年以上冇再自由行自駕遊了,因為每次都是一家人返香港後再跟團,各位出外自駕遊租車時一定要小心看清保單的條款,有些人以為買了零excess保險就冇事啦,事實不是如此簡單,好多情况下都要你賠償的.試舉一例,如果見到前面有水浸,而你不改道而強行,汽車引擎給水浸坏,维修費甚至報銷都要你賠償,因為是你疏忽大意.

TRAMCAR RESTAURANT 電車餐廳

菜譜

頭盆

主菜

甜品

街景

上星期蘇格鬼佬又請我吃午餐,今次佢攪新意思,請我去電車餐廳吃西餐,電車沿墨爾本市中心環遊一圈,午餐大约兩個小時,晚餐就大约三個多小時,如果想週末晚上吃的話,就要提早兩個多星期前訂位同付費,仲有對唔住啦,唔合口味想吃其它國家的美食就免問,只獨沽一味供應西餐.

呢個世界真係一樣米養百樣人,每次都係佢請,而且亦係獨沽一味西餐,講真電車上鋸扒沿途看街景市容,情調浪漫,不過我就唔識欣賞,因為鬼佬唔識食而且亦唔算平架,不如留番的錢去香港深井吃燒鹅仲正.