便宜莫貪

說我贏了5萬元或一部豐田汽車

恭喜喎,按回覆電話確認

按回覆電話每分鐘收費3.96元

今日睇到蘋果日報一單新聞

【本報訊】當大學財經講師遇上倫敦金騙子，誰勝誰負？曾在大學任教經濟科16年的姓陳女講師，早前接到一名自稱恒生銀行高層的男子來電，表示可批出350萬元低息貸款，條件是女事主要先墊支一成貸款額即35萬元開倫敦金投資戶口。女講師指對方熟悉行內專有名詞與貸款術語，覺得「佢好pro（專業）」，結果不足10日便被騙35萬元血汗錢.


我都不知道自已收到了多少次,超市中獎現金券短訊,來歷不名無顯示的電話,內有自稱稅局,移民局,銀行高層仲有中國領事館,只要我一收到立即收線,不用多費唇舌,他們最終目的只有一個,就是想騙你的血汗錢,前幾日收到一則短訊較為新鲜,話我中了5萬元或汽車一部,要我按他們的回覆電話確認,不過我冇按回覆確認,因為這個是收費電話,每分鐘3.96元肯定攪幾攪就十分八分鐘,就算不收費我都不會理佢地,最主要是我點會咁好運中5萬元或汽車一部呢?光棍佬教仔便宜莫貪,天下烏鴉一樣黑.

汽車保險

當日到車行取車時sales幫我拍了一張照片

今年四月十五日,一鬼仔開的車撞到我的左邊車尾

看好似損毀不太嚴重



保險叫我拿去我家附近的修車行修理.修車公司後來同我說,因為損毀嚴重,不值得花時間修理,申報保險total loss,我電話申報,之後他們回覆給我的email



新增說明文字

保險公司安排租一部車給我暫時替用.因為車頭有些刮花,所以拍照作証



等了差不多三個月,新車上星期送到我家門外

去年十月俄羅斯回來後訂買了一部新 Honda Civic,開了半年行了大约8500公里,真係唔好彩今年四月十五日給一年青鬼仔,比他開的車從後撞了一下,當時鬼仔同我說部車唔係好傷喎,你claim我的保險啦,睇落好似唔係好傷,之不過呢一下碰撞,我的新車就玩完報銷 total loss. 唔好彩之中有的好彩,就是我買的保險條款中有一條,兩年之內我的車交通意外報銷我可以換回一部同款同型號的新車,不是每間保險公司都有呢條賠新車的條款,如果冇呢條條款,賠錢的話是賠市價,新車落地已經唔見一碌,又要折舊.

等新車等了差不多三個月,呢段時間保險公司安排一部租車給我用,是韓國仔的現代,我開了四十年車還是第一次開韓國仔的車,性能同日本仔的車差很遠,自動波轉波加速不流暢,.租呢部車保險公司只幫我買第三保,我自已又不想再花錢買全保,如果有意外是我過失的話,要賠excess是2200澳元,好彩開了差不多三個月冇事.

香港之前有一單新聞,一位香港人到台灣租車自駕遊,撞爛車後逃返香港,比人信用卡扣數後來停付,最後不知結果如何?我已經有30年以上冇再自由行自駕遊了,因為每次都是一家人返香港後再跟團,各位出外自駕遊租車時一定要小心看清保單的條款,有些人以為買了零excess保險就冇事啦,事實不是如此簡單,好多情况下都要你賠償的.試舉一例,如果見到前面有水浸,而你不改道而強行,汽車引擎給水浸坏,维修費甚至報銷都要你賠償,因為是你疏忽大意.

TRAMCAR RESTAURANT 電車餐廳

菜譜

頭盆

主菜

甜品

街景

上星期蘇格鬼佬又請我吃午餐,今次佢攪新意思,請我去電車餐廳吃西餐,電車沿墨爾本市中心環遊一圈,午餐大约兩個小時,晚餐就大约三個多小時,如果想週末晚上吃的話,就要提早兩個多星期前訂位同付費,仲有對唔住啦,唔合口味想吃其它國家的美食就免問,只獨沽一味供應西餐.

呢個世界真係一樣米養百樣人,每次都係佢請,而且亦係獨沽一味西餐,講真電車上鋸扒沿途看街景市容,情調浪漫,不過我就唔識欣賞,因為鬼佬唔識食而且亦唔算平架,不如留番的錢去香港深井吃燒鹅仲正.

緬甸遊

早上五時行車差不多一個小時,沿途未見到有車輛往返



八時四十分到達大金石位於KINPON山下車站



大金石入口

大金石

勃固 BAGO卧彿

勃固皇宮

勃固四面佛面坐向東南西北

勃固蛇廟

好耐以前在圖書館睇過旅遊天書 LONELY PLANET 緬甸版,用大金石 KYAIKTIYO 做封面,呢一塊大石佔地四份一外露看似搖搖欲墜,奇怪經歷千多年,多次地震還是屹立不倒,對呢塊石感到與趣,仰光行要見識一下呢塊緬甸人一生必去参拜一次的大金石,大金石距離仰光只有一百卅多公里,不過公共交通不方便,一日來回只能包車,早上五時出發八時多才到 KINPON山腳,又要等坐貨車改装為客車上山,上山落山都要等坐滿乘客才開,山路灣灣曲曲,車程大半粒鐘有多,我見到有登山纜車施工,据聞今年年中就有登山纜車開通,以後上山就快捷安全多了.

大金石不倒的原因,据說是石上的金塔有佛祖釋迦牟尼的一根頭髮,想去摸或参拜呢塊石頭要落幾级梯級和經過一條橋,我自己一個人行去摸呢塊石,我老婆只能眼看著我摸,冇計啦因為女性不準去摸呢塊石頭,不知道為何有性別岐視?包車的司機人很好,回程時順道載我們遊勃固皇宫,大金塔,卧佛,四面佛,蛇廟返回仰光己是晚上十時,如果乘坐公共交通是冇可能的.

緬甸遊

機場入境

仰光唐人街

大金塔入口

大金塔

去年去了三次旅行,一月以色列和约旦,九月俄羅斯,十月緬甸,除了俄羅斯是跟團之外,其餘兩次都是自由行,緬甸自遊行算方便,以前好想去緬甸,可惜軍政府统治,鎖國政策,對外不開放,到了軍政府下台後,想去又冇時間,之前睇過新聞見到花旗總统奧黑馬去了仰光,終於下定决心要去緬甸行下,去完之後唔得閒寫,轉眼大半年過去了,印象模糊,依家只憑記憶.

仰光大金塔佔地面積非常廣,有四個入口,記住自己從邊個入口進去,因為要除鞋和寄存背包,大金塔內据說藏有佛祖釋加牟尼八根頭髮,主塔外有四座中塔圍著,旁邊又有六十四座小塔,主塔頂上有粒巨鑽,幾千粒寶石,金鈴和銀鈴,塔身舖上一層金,望去金碧輝煌,金光閃閃,講真的幾千粒翡翠寶石濕濕碎啦,因緬甸盛産翡翠寶石.