 |
| 朋友在 Queensland Brisbane 租的棍波車 |
 |
| 好開心今天到達我家門口啦 |
朋友夫妻二人,年初一從香港出發,先到新架坡再到 Brisbane 布理斯本,租咗一部韓國棍波車一個星期,他告訴我不另外租用 GPS衛星導航,因每天要多付8澳元,只用 Iphone 手機的導航,而且又不租日本仔的自動波車,租韓國棍波單門車仔,每天又便宜二十多澳元.他們沿途先經Gold coast 黄金海岸, Hunter vally 獵人谷到雪梨然後到墨爾本,再經 great ocean road大海洋路到 Adelaide阿德雷德,每個地方停留一至二天,好玩就停多一天,我同佢講好彩佢地唔係去新西蘭自駕遊,否則我有些担心,因有一港人新春新西蘭南島自駕遊,發生汽車墮橋落海的交通意外,真係惨,魂斷異鄉.
呢條路線好多人喜愛走,因沿途有好多好靚的海岸線和海灘,酒庄,黃金海岸有幾個樂園,雪梨,墨爾本,南澳各有特色,不過呢條線我冇走過,我十多年前只開車走過大海洋路,自此之後己經冇開咁耐的長途車了,我都好佩服他,如此好的精神體力,我和他大家都未結婚前,一同去過幾次旅行,有一次從東京開車去神户,想一想原來已是三十年前的事了,冇法啦,歲月不饒人.
冇法啦,歲月不饒人. 幸好你們都嘗試，沒有遺憾！我沒有駕駛這份能力很羡慕呢！
回覆刪除Stella 姐，澳洲的公路好行，沿途有地方休息和飲食，只要不太趕，輕鬆自駕遊，確實是好的享受。周不時有70多歲的鬼佬花個多月的時間全國遊。
刪除自駕遊樂得逍遙，可真是很考體力！個人連乘搭長途機也感覺不耐煩，祇合在電視下坐遊。
回覆刪除當然，能夠遊萬里路才是一流喔！
阿姨，我都有十多年冇長途自駕遊，因冇時間，若果時間足夠，開三幾小時又休息下，嘆下咖啡，住一至二天，然後又再開，咁樣就是享受。
刪除他們都比較趕，若果照他們的行程，三個星期會舒服好多，換埋自動波的日本仔車就更妙。
對，我依家都好怕坐長途機。
ng Wai,自駕遊是賞心樂事,喜歡的地方就多停留幾天.
回覆刪除德哥，若果時間充足，自駕遊是好選擇，若不夠的話，趕來趕去仲辛苦。
回覆刪除自駕遊好玩啊! 我連一個加州都未行哂! 依家有了GPS導航更方便喇! 你哋好叻啊!
回覆刪除Candy 姐，我在三藩市揸個幾次車，馬路幾好行，用慣右軚變左軚有些少不方便，而且馬路中間貼邊的個行缐叫Car pool ，即一個人開車是不能使用呢條行車線，墨爾本的Eastern freeway 都是一樣。
刪除巧願我的老伴身體健健康康 ! 繼續伴咪走更遠更多的路.........
回覆刪除祝福大家都情人節和元宵節; 幸福快樂 ! ღ ℒ ℴ ν ℯ ღ
咪姐，執子之手，與子偕老，可喜可賀。
刪除自駕遊一切由自己話事、總之就係正嘅！
回覆刪除域Sir,對的，自駕遊自己喜歡去邊就去邊。
回覆刪除