 |
 |
| 番茄湯底 |
 |
| 豬骨湯底 |
 |
 |
 |
 |
 |
 |
 |
 |
尋晚去呢間叫金輝酒樓任食打邊爐,對上一次去已經是五年多前的事了,因當時新開張冇耐,咪去試下咯,咁巧合今晚坐的檯也是同上次坐的一張,呢間打邊爐每人面前有小一電磁爐,放有一小湯鍋,有幾種湯底任揀,豬骨,番茄,人參雞,麻辣鴛鴦等,所有菜牌上有的食物都任叫任食,只有鮑魚仔限每人一隻,我數過餐牌的食物都有八十幾種,有蝦,帶子,肥牛,鹿肉,羊肉,睇落都算幾新鲜,食完又可再叫,每位收費40.8元,午餐好似平10元,尋晚七時卅分去到,一檯客人都見不到,直至到我們快要走時才見到有五位客人進入,打邊爐生意真係難做.
呢度打邊爐的生意同香港剛好相反,想起四年多前我們返香港玩時,朋友請我們一家人到沙田稻香打邊爐,他老婆五點多就去排隊等位等開門,等到有位後再打電話叫我們去,排隊等了個多小時就是為佐打邊爐,我老妻仔女都非常鍾意打邊爐,不過我唔係咁鍾意,食物係咁煮,乜野營養都冇哂,加上又熱焗到成頭汗.
和BBO相比，我較喜歡打邊爐，冇咁污穢！
回覆刪除Stella 姐，BBQ 較好些，不過煙霧瀰漫，熱氣攻面，我都唔係太喜歡，偶爾一次也可以，不過我老妻仔女就最啱，他們認為三寶，打邊爐，自助餐，BBQ。
刪除有咁多嘢食可以講係物有所值，但都好過我呢邊一些館子，雖然收平好多，唔使30就可以任叫任食，甚至包埋BBQ，但啲嘢睇見就唔想食……
回覆刪除Shu 兄，價錢不貴，食物種類亦多，不過鬼佬唔鍾意打邊爐的食法，一來怕煮得耐冇營養唔耐又怕生，二是呑雲吐霧如入仙境，以前有三間四川火鍋，一間叫巴國布衣，一間叫川王府，一間叫天府全部收檔。
刪除我有一女兒就很喜歡打煸爐，但我覺得食物都不經入味，就不夠滋味。係咁淥幾淥，真係怕唔夠熟。
回覆刪除每個人對食的要求都不同，只有互相遷就一下了。
阿姨，香港人比較喜歡打邊爐，因為可一邊吃一邊傾計，而且打邊爐時食物種類多，吃時冇咁單調。
刪除Wai兄、打邊爐食物質素當然重要、但其中樂趣正正在於、你淥、我又淥、一邊淥、一邊吹水吖嘛！若論好味、當然經過大廚炮製嘅正好多啦！圖中所見、食物質素相當靠得住架！
回覆刪除域Sir,對呀,打邊爐樂趣就是一班好友,你淥我淥大家飲酒吹水,冬天天氣寒冷就最正.食物算唔錯.
刪除