 |
 |
| 以色列航空公司 EL-AL |
 |
 |
 |
| 晚餐青豆羊肉味道還不錯 |
 |
| 早餐 OMELETTE |
 |
| 以色列特拉維夫本古里昂機場 |
 |
 |
| 以色列機場移民管制,過關不算麻煩 |
今次旅行以色列想省回一點時間,坐直航的話只有以色列航空,過多兩個月後就有國泰CX 直航, 最便宜的是俄航,香港莫斯科再轉機特拉維夫足足要花一天時間,來回要花兩天多,冇得選擇之下只好揀以色列航空,以色列航空機票超貴來回要6750港元,貴的原因据說是每架航機花費百幾萬美元裝有紅外線防導彈系統,有呢個系統就可以避免如馬航在烏克蘭上空遭導彈擊落的慘劇發生喎.
香港飛特拉維夫飛行時間11小時45分,要繞道中亜再由地中海入,避開敵對阿拉伯國家的領空,所以要飛多兩個多小時,浪費燃油和飛行時間,可是我們今次更有些唔好彩,困在飛機上一個多小時才能起飛,原因是香港國際機場延誤了一個多小時,親眼見到飛機打蛇餅焗住排隊等候起飛的情境,講真的香港國際機場一早己經飽和需要起第三條跑道,可惜有些人無視現實環境仲要反對.
我上月去台中都排咗幾個字時間才起飛，以前起香港國際機場都係有人反對。
回覆刪除期待以色列約旦遊的分享。
Stella 姐，係咯，今次返來又delay 成粒鐘，咁攪法唔掂。我盡量盡快寫，因為全憑記憶，耐些就忘記了。
刪除講起機票貴，我第一次搭飛機去紐西蘭，當年1977年，五千元來回，諗返起嗰時啲打工仔仲有好多千零蚊咋！
回覆刪除Shu 兄，啱架，依家機票相比以前便宜多，以前捱好耐至夠錢買機票。
刪除約旦以色列我都好想去呀~
回覆刪除靚女，鍾意旅遊的人，有好多地方一生一定要去一次架。
刪除Wai兄、無辦法喇、以色列敵人多、飛機裝置安全措施和繞道而飛嘅費用、難免要由乘客分擔。不過最緊要嘅係安全第一、總之安安全全、玩得開開心心就得喇！
回覆刪除在下祝你得心應手、財源廣進、龍馬精神、多多喜訊。
域Sir，真係無辦法以色列週邊除了埃及和約旦之外，全部都是敵人，所以要繞道而行，羊毛出在羊身上，由乘客分擔是理所當然的。
刪除多謝哂，也祝你身體健康，財源廣進。
以色列約旦好吸引，但安全嗎？要跟團去OR自由行？
回覆刪除