 |
| 歌手現場演唱 |
 |
 |
 |
| 沙律 串燒 |
 |
 鄰 |
| 約旦紅酒 |
旅行约旦最主要去的景點就是 Petra 佩特拉,從安曼到佩特拉車程大約三個多小時,終於到了我盼望已久的古城佩特拉,但已經是晚上七時多,肚又餓又赲,也不想外出吃,就在我們住的酒店 Petra guest house吃罷,呢間酒店在 Petra 假假地都叫做四星,原來只得一間餐廳,當晚有可能是淡季的原因住客不多,居然連門都不開,激氣叫我們去隔鄰附近的洞穴吧 Cave Bar 吃,打開菜單一看,大多是伴酒的小吃,主菜只有沙律和串燒,冇得選擇之下,只好點沙津和雞肉串燒,不過伴菜就有六至七碟,大概是阿拉伯餐的特式,叫了一枝约旦紅酒試下,大約200多港元,不過红酒酒質一般.
條餐巾捲到成支棍仔咁喎！
回覆刪除Stella 姐，係咯，可能貪簡單方便。
刪除啲食物，雖然有點單調，但已經很好啦！
回覆刪除粟姐，阿拉伯餐就是伴菜多，所以睇落好似好多嘢。
刪除我有一次去旅行，也是很晚才到達那城市，之不過在那裡卻品嚐了一次十分美味的晚餐，四道菜式，尤以那Lasagna 真的是好吃到至今也難以忘記！
回覆刪除也有次旅行在外餐廳吃餐，有歌手拿著結他在你面前讓你點唱，吃吃喝喝得使氣氛亦弄得十分高漲……
Shu 兄，呢間酒店靠近Petra 山區，附近冇酒店冇餐廳，想吃要包車去幾公里外的小市鎮吃，吃完又要包車返，黑麻麻咪就地在呢間洞穴吧吃咯，食物一般啦，約旦本來也是落後貧窮的國家，更何況邊遠山區，所以不能要求太多了。
刪除從圖片看 Cave Bar 並不擠迫、雖然食物未必會有驚喜、但總算適舒、而且仲有歌聽、算幾好架喇！
回覆刪除域Sir，係呀，女歌手唱阿拉伯歌，有些特別感受，因為不是隨便可以在現場聼到。呢間吧食物算係咁啦，因為淡季加上山區不能要求太多。
刪除洞穴吧很有特色，有吃有喝有歌聽就算了吧，別有一番風味呀。
回覆刪除阿姨，呢間洞穴吧有些名氣，因為能夠獲得批准開在千多年的山洞內，佩特拉就是以山洞雕刻鬼斧神工名聞天下。
刪除Wai 兄，給你的留言不見了？
回覆刪除Shu 兄，我剛才在垃圾桶撈返你的留言出來了，唔使錢的服務不能要求太多啦。
回覆刪除