好多旅行者話以色列的精華在耶路撒冷,而我個人覺得耶路撒冷的精華盡在古城,而古城精筆就是圓頂清真寺,哭牆和聖墓教堂,如果旺季上圓頂清真寺Dome of the Rock要排隊大半粒鐘至一粒鐘,所有參觀者都要經過一條木走廊步行上圓頂清真寺,當日早上遊客不多,只檢查護照和通過金屬探測器就可入內,遠遠望去圓頂清真寺頂上金光閃閃,可惜不是回教徒不准入内參觀,据說內裡中間的一塊岩石是穆罕默德夜行登霄和天使加百列一起到天堂見到真主的地方喎.
從圓頂清真寺下來就見到哭牆,哭牆分開男女,男仕入口處放有猶太教的小帽子,要帶上才能進入,既然一場來到也入鄉隨俗在哭牆塞入了一張許願纸,寫上希望在香港股市執番一些旅費幫補下次唔使咁傷,若果願望成真,耶路撒冷我又再次來啦,離哭牆不遠有一間教堂叫聖墓教堂 The Church of The Holy Sepulchre 是主耶蘇埋葬的地方,但是最奇怪的是教堂窗台下有一條木梯,都唔知邊個放的,做乜放呢?
圓頂建築是相當要求計算精確，否則就嵌不成那美麗莊嚴外觀，所以話古時的希臘人，以色列人，猶太人等等都是懂得計數，亦因此而成為成功的商人…
回覆刪除Shu 兄，圓頂清真寺真係計算好精確架，而且四面八角上的彫刻都十分精美。
刪除Wai兄、中世紀建築物能保特得咁好、確實難得喇！只看圖片也感覺到古風、冇得彈咯！
回覆刪除域Sir，有可能是中東地區沙漠性氣候，天氣乾燥少雨冇風化，所以建築物保持得好。
刪除聽說哭牆有很大的名氣，回教徒人多熱鬧的時候，座椅是分開男女兩邊坐。
回覆刪除阿姨，哭牆坐的不是回教徒，只猶太教徒，因為呢幅牆是猶太所羅門王起的聖殿給羅馬人征服推倒只遺留下來的一幅牆，猶太人到呢幅牆緬懷憑吊悲慘的亡國歴史，先祖過著颠沛流離的日子，大家互相哭訴，久而久之咪叫哭牆咯。
刪除謝謝偉兄的指正! 因為想起以前看過的畫面，但忘記了內容了，也忘記了耶蘇是不是猶太人。
刪除耶路撒冷是宗教之爭就是肯定的了。
阿姨，係呀，耶路撒冷宗教紛爭冇停過。
刪除呢個地方我相信冇機會到，都是分享你的旅程，我當去咗算了！
回覆刪除Stella 姐，你咁後生，點解冇機會去呢？
刪除唔知我有無機會到此地一遊....
回覆刪除靚女,你咁後生,一定有機會架.
刪除以前返學歷史堂都有哭墙介紹，希望有機會身臨其境啦！
回覆刪除