摩洛哥遊 (二)
 |
| 早上8點30分開車 |
 |
| 沿途穿越 Atlas mountain |
 |
| 中途住宿 |
 |
| 影城 |
到沙漠之前一日，中途住宿，第二天早上差不多開車時，有一英國鬼仔突然大叫 shit，不要開車我的護照不見了，好多人落車去幫他搵，有些人去餐廳，有些人上房間搵，亦有人在車廂內搵，搵了大半小時搵到，原來他放在他女朋友的手袋拉鍊旁邊的袋內。
第四天早上差不多開車時，他的女朋友又大叫，不要開車呀 my god ，我的手機不見了，個個人又去幫她搵，她心急在大堂打開行李喼搵,搵了大半小時搵到，原來在她男朋友的牛仔褲尾袋，呢個世界乜嘢事都可能發生。
今次參加一間英國旅行社 Nomadic 辦的撒哈啦沙漠六天團,因為不想到了Marakech再花時間去搵沙漠團,團費雖然是貴些少,可省卻中途停留購物,更可避免有老表同團,呢個團總共十二人,十個都係鬼,包括英國,加拿大和澳洲,吃和住可以,鬼妹沿途唱歌吹水,大家玩得好開心,講真的出門旅行最主要是尋開心.
早上八時卅分出發,中午到了一個叫 Quarzazate的城市,吃午飯休息,停留一天,呢個城市是沙漠團的中途站,如果自駕遊可以不停呢個城市,直去沙漠但要坐多五至六小時車,感覺會好辛苦,所以一般沙漠團都以此城市為中途站,此城市以前曾經有幾套荷里活電影在此取景,食住上就地搭建一個影城作為觀光景點.
呢對鬼妹鬼仔真係天生一對，連放東西都咁珠聯璧合！絶配！
回覆刪除Stella 姐，係呀，比呢對鬼仔鬼妹玩謝，鬼仔上車時説對唔住各住，希望冇下次，佢真係冇下次，但就輪到佢女朋友。
刪除原來全世界嘅旅行團都會有哩類人，不過打孖上都算係佢地既緣份~
回覆刪除靚女,係呀旅行團乜野事乜野人都有架,以前曾經参加過香港去柬埔寨的旅行團,見過吃自助早餐時有團友用水壺霸位,同大6的其他旅行團友嘈交,幾乎大打出手.你一向自由行多,好少機會碰到.
刪除團友各式各樣人品都有，人多勢眾的組合，自然先聲奪人啦。是壓倒性的權威。
回覆刪除所以如果無人陪，我都都不想參團去旅行了。這兩個鬼仔鬼妹，都好大頭蝦!
阿姨，因為旅行團旅客來自四方八面，人心不同各如其面，乜嘢人事都有，一般來說都乜大問題，最多都是搶食唔理其他人，朋友夫妻以前參加過一次星馬泰旅行圑，佢同我講同圑一對香港夫妻餐餐搶餸食。
刪除我依家都以自由行為主，雖然冇人安排吃住行程，比較麻煩要靠自己，但有靈活性，自己鍾意點做就點做。