東京遊(二)

松阪牛



不經不覺冇寫博三個月了,東京遊已經忘記得差不多,見手機仲有吃和牛的相片,順便寫一下吃和牛,大约30多年前第一次在神戶吃和牛,當時可以說是年青人,初出社會打工經濟條件有限,加上旅費不多要慳住用,但心想既然到了神戶,總不能不試日本仔三大和牛之一的神戶牛,终於忍痛吃了一次神戶牛,剛好五千日元,牛肉香氣四溢,入口即溶,印象深刻.

今次是第二次吃和牛,之前有靚女網友介紹銀座一間和牛吃到飽,因為唔夠時間,只去一間我外甥女介紹叫俺之燒肉,試了日本仔最頂級的松阪牛,枱前還放一小旗標明松阪牛,待應還問我可以看松阪牛發出的証書,据說松阪牛每年産量只有200多頭,每公斤差不4000港元.澳洲也有由日本引進生產的和牛,但價銭相差很遠.