馬交遊

左手戴玉鐲手握 iphone手机個位就是我老妻

海鲜週打湯

 

咖喱羊肉

蜜汁燒肉

葡式燒沙甸魚

芥茉豬脾仔

鹽燒海蝦

每年返香港玩時,班朋友們一早约定我們馬交遊,隨佐吃喝之外,因他們還喜歡賭幾手,記得去年朋友帶去财神爺吃魚翅燕窩,燕窩又贵魚翅又唔環保,今次我問咗一位朋友,佢介绍呢間在黑沙湾的林記燒烤,價錢大眾化,味道算不錯.訂座電話:66625872.

今次佢地去海立方搵赌王何生交手過招,以為何生依家坐緊輪椅就好欺負,準備又食又拎,唉何生雖然坐緊輪椅,但寶刀未老,8個人進去,7個人交低買路錢,只有我嬴錢出來,因為我不赌,不賭是嬴錢,賭王何生,新赌王呂生都是只怕兩種人,第一種唔赌錢的人,另外一種是死人.

我成日叫人唔好赌,唔好炒牛熊,可惜班盲毛又話我唔識嘢喎,所有中西式的赌博我幾乎全識,天九,牌九,番攤,十五湖,麻將,21點,百家樂,鬼佬骰仔掟骰仔入 box 之後掟個7出來就玩完 ,我不算笨,而且以前記憶力極好,乜賭一學就識就精,好似賭百家樂抽水,算你有運嬴一鋪輸一鋪,本金都比抽水抽乾.牌九又食夾棍兼抽水,不妨想下馬交政府不停泒錢就知錢從何來.

自助餐

網友Stella 姐介绍的自助餐廳,是全港最高的餐廳 café 103,當日是9月29日星期一,都幾乎滿座,食物精美,但種類不算多,海鮮有三文魚,金槍魚,長腳蟹,蝦和青口,我吃自助餐一向都吃不多,但我朋友夫妻兩人和小兒小女就吃得多,他们最喜歡吃自助餐,年年都吃一次至二次,記得去年在尖沙咀一間酒店吃自助晚餐時碰到電視藝人羅蘭姐.有一年在中環吃自午餐時又碰到張堅庭,剛好他坐在我們隔離檯,他的名字我忘記了,我只記得他和鄭裕玲拍过一套戲叫表姐你好野,是在靚女網友美露迪告訴我他是張堅庭.

果樹

梅

桃駁梨

杏

西梅

無花果





長型西梅

蘋果

 

因為最近很忙,差不多成個月冇出過花園,今早出去花園睇下,好多果樹都開花,有紅有白,其中以桃駁梨和蘋果樹開的花最鮮紅最靚,所以拍些比大家睇下,因香港是亞熱帶,好少見到有呢些果樹開花.


種得太多果樹好麻煩,冬天時落到滿地樹葉,又要修剪枯枝,不同的果樹和不同花樹,有不同的修剪方法,上面的書就教人如何修剪,修剪得好可保持花果,枝葉茂盛,修剪是也算是一門學問,有些果樹隔年結果,就要修剪去好多花.

不及格的牛扒

今個星期二去皇冠賭場內的一間餐廳叫 Margos 吃午餐,對上一次去是七個月前帶香港來的朋友去,因皇冠賭場最近每天在電視賣廣告,一客午餐$13.95仲可免費泊車五小時,我泊咗車後,先坐電車去中國簽証中心辨理大 6簽証,然後回來呢間吃牛扒,唉呢塊 porter house 真差,太生又多筋,完全咬唔入,我老妻叫我投訴,算啦咁平,而且我都唔係一個唔係好鍾意投訴的人.

想起30多年前第一次在日本神户吃燒牛扒,亦是唯一的一次,個種牛肉味道濃郁,牛肉的雪花簡直完美,入口即溶,到依家一想起還流口水,以前日本仔的和牛都唔知有冇 BMS 即雪花度數,1至12級,神户牛最少要六級以上,神户牛是日本仔三大和牛之一.


日本仔和牛
http://www.buedelmeatup.com/2012/12/04/the-difference-between-kobe-and-wagyu-beef/

墨爾本唐人街

 

 

 

 

見到火鳳凰就會想起網友 Stella 姐

西湖大酒家

呢間教堂有百年歴史

教堂對面以前是一楝二層高的舊樓,二樓是一間唐人會所,內有麻將,牌九耍樂

今個星期三去唐人街簫氏機構攞左麟右李演唱會的門票,攞完後就順便用手機影番幾張比未來過墨爾本的網友睇下,呢度的唐人街比三藩市的細好多,只有一條街,以前都有唐人雜貨店,賣下唐人雜貨,不過執哂好耐,依家只有幾間中式酒樓,日餐,馬來餐和一間唐人西餅店,禮品店等.

十多廾年前有一次朋友叫我去唐人街西湖大酒家吃宵夜,我都冇吃宵夜的習慣,剛好是第一次,吃就吃啦,吃咗冇幾耐就見到影星洪金寶,成龍,元彪等人進來吃宵夜,成龍是我第二次見,佢一向鼻大,睇唔起人,佢個頭同眼只望著天花板,反而洪金寶仲微笑同我地點頭,成龍呢幾日比佢個衰仔祖明攪到一頭煙,自己本身是禁毒大使,呢次比個衰仔破埋個招牌.



唐人街有二間教堂都經過百年風雨,到今日還在,圖片上的教堂,30多年前每逢星期天都有一位唐人牧師用大聲公大叫,各位朋友鄉里,想到天堂的請來這裡,想賭錢落地獄就去對面,不過想去天堂的人少,想去地獄的人就多.