 |
| 左手戴玉鐲手握 iphone手机個位就是我老妻 |
 |
| 海鲜週打湯 |
 |
 |
| 咖喱羊肉 |
 |
| 蜜汁燒肉 |
 |
| 葡式燒沙甸魚 |
 |
| 芥茉豬脾仔 |
 |
| 鹽燒海蝦 |
每年返香港玩時,班朋友們一早约定我們馬交遊,隨佐吃喝之外,因他們還喜歡賭幾手,記得去年朋友帶去财神爺吃魚翅燕窩,燕窩又贵魚翅又唔環保,今次我問咗一位朋友,佢介绍呢間在黑沙湾的林記燒烤,價錢大眾化,味道算不錯.訂座電話:66625872.
今次佢地去海立方搵赌王何生交手過招,以為何生依家坐緊輪椅就好欺負,準備又食又拎,唉何生雖然坐緊輪椅,但寶刀未老,8個人進去,7個人交低買路錢,只有我嬴錢出來,因為我不赌,不賭是嬴錢,賭王何生,新赌王呂生都是只怕兩種人,第一種唔赌錢的人,另外一種是死人.
我成日叫人唔好赌,唔好炒牛熊,可惜班盲毛又話我唔識嘢喎,所有中西式的赌博我幾乎全識,天九,牌九,番攤,十五湖,麻將,21點,百家樂,鬼佬骰仔掟骰仔入 box 之後掟個7出來就玩完 ,我不算笨,而且以前記憶力極好,乜賭一學就識就精,好似賭百家樂抽水,算你有運嬴一鋪輸一鋪,本金都比抽水抽乾.牌九又食夾棍兼抽水,不妨想下馬交政府不停泒錢就知錢從何來.
以前我賭錢也算頗精，不過不到三十我差不多戒絕賭博，因為好似你講，抽水同貼士都唔見咁啲，亦即是長賭便人人都是輸家，現在也只逢場作戲而已，也曾試過過門不入，但仍有打麻將，也少到幾年都冇一次了，不過，對打麻將我比較自豪，只因戰績……
回覆刪除哈哈，試過多人話以後不和我打呀！
Shu 兄, 十二月兄都是麻將高手.坐在我老妻对面朋友的太太和她旁邊再隔一位的男人也是高手,依家在香港每星期打三次至四次.
刪除我家仲有兩副麻將一副還未開封,是朋友們從香港帶來给我的新屋入伙禮物.十多年前他們來玩時打過二次,一直到今天還未再打過.記得當日打麻將時,朋友的老婆抱起小女她大約兩歲多,坐在她的大脾,一邊洗牌一邊講,呢隻是红中,呢隻是白板,呢隻是發财,小女記憶力也不錯,轉頭她拿起中發白,問小女甚么牌.小女一下就講出,她們還大笑,我心慶幸住在這裡我家冇人打牌,若果住在香港一定學識,古時孟母三遷绝对冇錯.
偉兄，我相信喺金魚缸裡面的更比其他的賭博「瘋險」得多，能夠參與其中而不輸的人，已經算是高手、能手了！👍👏
刪除Shu 兄,日日在金魚缸炒出炒入,借孖展和炒高槓桿衍生工具的人才是賭博,但我一向長缐投資,間中才短一下,股市大把高手,能手,可惜我只是庸手.
刪除雖然近，
回覆刪除但我成十多年無去過，
船票酒店太貴，
賭博我唔like，
食就一般喇，
景點更加無，
可能每次朋友話去，
我都提唔起興趣！
過幾年等條橋起，
先再去下！
霸兄,我之前都有十多年冇去,船票酒店真係贵,只不過朋友們想去玩幾手,最近呢三年才去.記得前年時最旺,到處人頭湧湧,的士又難搵,而且近的又唔載,餐廳到處爆滿,.真係扯火,.不過今次好好多了.
刪除偉兄，看到尊夫人很 fit 啊！相信和閣下都很匹配。
回覆刪除幾十年來，個人祇去過濠江兩次噉多！第二次是在兩年前去的，兩次都是和朋友作一天遊。
賭場當然會到，不過都是借來乘免費車的，賭博免問。
阿姨, fit 乜?佢仲話要減肥..不賭是蠃錢,馬交冇乜好玩,冇乜旅遊景點,去的多是賭錢,十賭九輸.最好就唔好賭
刪除我幾歲時，父親在「大檔」一晚之間賭輸一層樓。
回覆刪除75年，有一位街坊贏馬，買咗太古城第一期的一個單位。
奈何！各有前因！
Stella 姐,赌錢唔使恨,當然有人羸有人輸,不過輸的人多羸的人少,腳踏實地做人是最快樂.
刪除