Veligandu 度假村

水上屋

旅遊馬爾代夫最麻煩是揀選度假島,因有百多個島每個島只有一間度假村,有平有貴有遠有近,有些以浮潛取勝,有些以海灘服務價錢吸引,我揀呢間四星度假村,是參考網上評語和 Lonely Planet 的介紹,大約預早七個月前訂復活節的三天水上屋water villa ,度假村每房送一枝香檳,若果遲一些就訂不到水上屋,只能訂沙灘屋,住水上屋有無敵海景,喜歡幾時下海遊泳就幾時遊,坐在陽台喝杯咖啡看日出日落,不聞車馬市聲,不問股市升跌,所有煩惱抛諸腦後巧舒服.

馬爾代夫度假村的膳食,大多數是分半包 half board 包兩餐,早餐午餐或早餐晚餐,全包full broad 早午晚三餐,有些更有 all inclusive plus 包括所有連酒在內的飲料,我見好多網友介紹揀 all inclusive plus,仲有送兩次遊船河,一次早上民居島遊,一次黃昏觀海豚遊,所以我揀 all inclusive plus 咯,不過三餐都是自助餐,總共吃了九餐,連我老妻仔女最喜歡吃自助餐都話怕啦,若果有人問我,我會建議他們揀半包餐half broad.

Seaplane 水上飛機

赤腳機師

從水上飛機遠眺 Male市

鬼佬旅遊天書 Lonely Planet  介绍馬爾代夫 Top 9  其中之一是搭水上飛機,說當今世界上只有幾個地方有水上飛機可坐,值得一試的經歷,見到飛機師大部份都是赤腳,我問其中一位機師,飛行高度有幾高?他說大約500至600米,但我用自己部 Nikon AW130 測過,全程最高才220多米,本來想走去搵他求正一下,也想 send email 去呢間水機公司,算啦反正我又不是出書,爛鬼博文冇乜人睇,飛行速度大約時速200公里,呢程水上飛機去我們住的度假島單程約20分鐘,但票價極昂貴,來回要310美元,有好多島冇快艇可到,焗住要坐內陸機或水上飛機,水上飛機最多只能坐15人,晚上6點後又不能飛,天氣不好時又不能飛,馬爾代夫最好天氣是十二月至四月,即是全年旺季,過了四月後會有風有雨,遇上天氣惡劣時水機會延遲,乘客不夠時更要飛去其它島載客,所以有時要等好耐,要有心理準備,因此淡季去時便宜好多.

Male 馬累

回教博物館

魚市場

石斑

大約卅年前有朋友約去我馬爾代夫玩,講真的當時我都唔識呢個地方,打聽後才知道去馬爾代夫玩幾天的費用仲貴過去歐洲玩三個星期的費用,所以我選擇去歐洲自由行,以前馬爾代夫冇開放民宿,去渡假島要搭乘直升機,當年冇水上飛機,其實搭直升機或水上飛機一樣咁貴,只不過水上飛機舒適寧靜些,和可搭載多些乘客,度假島所有消費計美元,不是我等打工仔負擔得起,大約幾年前馬爾代夫開放民宿,旅客可自由揀選,豐儉由人,頂級的渡假島一晚幾萬港元也有,便宜的民宿三幾百港元亦有,揀一些靠近首都 Male 馬累市的居民島,坐本地人的渡輪來往,更可省卻昂貴的水上飛機或快艇費用,民宿吃住便宜,只不過交通往返比較轉折麻煩.

 Male 馬累市冇乜景點,最有名的算是回教寺和魚市場,那天我們去到回教寺冇開放,步行去魚市場對開的碼頭,見到泊了好多漁船,放滿地上都是大條的金槍魚,亦有石斑,我見到有本地人買一條金槍魚,等候漁夫幫他買的魚去皮去骨,順便走埋去和他吹下水,問他咁大條金槍魚要多少錢 ?他說折算美元大約20元,石斑就6美元左右,如果我買的話價錢就不一樣,可能貴一倍至二倍,唉這種事在落後貧窮的國家司空見慣,記得有次在多明尼加買野時,問多少錢?年青人講完價錢後,佢老豆鬧佢蠢,話對我開本地人的價錢,佢老豆以為我唔識聽西班牙文.

馬累街景

馬爾代夫我來啦

網上書店購買

去年在香港買的防水相機,若果自己冇帶去,到渡假村後租每天要50至70美元.也有人用防水袋.

今次馬爾代夫之旅是我去了百多次長短遠近的旅行中等了最耐的一次,原因是機票七個月前已預訂,復活節加上澳洲學校假期,否則訂不到直航,墨爾本冇直航到馬爾代夫,最快捷方便是新架坡轉機,所以預早訂好機票和網上好評的渡假島,假期時遲訂的話要轉兩次機,連飛行時間加埋轉機等候要花40幾小時以上,我同事去年就是冇預早訂機位,要轉兩次機,要經曼谷或吉隆坡,然後到可倫坡最後到馬爾代夫.

小擺設

鐘乳石

墨爾本金礦山,展覽廳商店內買的純金泊紀念品

白釉彩福祿壽三星

宜興紫砂茶壺

金字塔

秦始王兵馬車

尋日在網友秋葉亜姨處留言說起鐘乳石,她說搵不到我鐘乳石的 post ,因為我從未有 post 過鐘乳石,既然她想看鐘乳石,不如就寫一篇簡單的博文介紹一下,照片上的所有物品都是我送給我妹,去年她嫁女時我到她家拍的照片,因她喜歡收集一些小擺設,仲搵專人訂做呢個木櫃來擺放,其中的一舊鐘乳石連木座,是我朋友大約30多年前去桂林旅行時,有人向他兜售鐘乳石,他買了兩舊,一舊自用一舊送比我,不過我移民澳洲時,嫌東西太多麻煩冇帶來,送佐比我妹,呢舊鐘乳石只拍到背部,前面在燈光下有幾種顏色,鐘乳石是石灰岩鈣化後滴水沉澱,据說要經過千百年才能型成,以前桂林大量老表拿鎚或鋸去岩洞鋤斷,再拿去向遊客兜售.

最下一幅照片中的秦始皇兵馬車,亦是我一位好友20多年前到西安旅遊時買了送給我,此車好重,全車連四隻馬都是用實心銅鑄做的,我問他買了多少錢?不過他不肯說.第三張照片中的白釉三星福祿壽,是我30多年前大6剛開放,我和朋友去佛山玩時,朋友的親戚帶我們去石灣陶瓷工廠直接購買的,每套30元外匯券,大約100港元,我買了六套,一套留比自己,其它的送了給朋友,不過幾年後我的一位朋友老婆唔小心,抹檯清潔時打爛了兩個,禄星同壽星,我同佢地講,你地呢次好麻煩冇禄冇壽啦,佢話唔怕仲有福喎.
http://tc.wangchao.net.cn/junshi/detail_54592.html