 |
| 赤腳機師 |
 |
| 從水上飛機遠眺 Male市 |
 |
鬼佬旅遊天書 Lonely Planet 介绍馬爾代夫 Top 9 其中之一是搭水上飛機,說當今世界上只有幾個地方有水上飛機可坐,值得一試的經歷,見到飛機師大部份都是赤腳,我問其中一位機師,飛行高度有幾高?他說大約500至600米,但我用自己部 Nikon AW130 測過,全程最高才220多米,本來想走去搵他求正一下,也想 send email 去呢間水機公司,算啦反正我又不是出書,爛鬼博文冇乜人睇,飛行速度大約時速200公里,呢程水上飛機去我們住的度假島單程約20分鐘,但票價極昂貴,來回要310美元,有好多島冇快艇可到,焗住要坐內陸機或水上飛機,水上飛機最多只能坐15人,晚上6點後又不能飛,天氣不好時又不能飛,馬爾代夫最好天氣是十二月至四月,即是全年旺季,過了四月後會有風有雨,遇上天氣惡劣時水機會延遲,乘客不夠時更要飛去其它島載客,所以有時要等好耐,要有心理準備,因此淡季去時便宜好多.
如坐私人飛機，試吓都冇防！
回覆刪除Stella 姐，都有些少似私人飛機的感覺，不過坐位狹小，在候機室等飛機時，睇過公司的簡介，呢間公司有一架私人飛機可供租用，本來有15座位改為六座位真皮坐椅，一小時航程盛惠6500美元。
刪除更正：無妨！
回覆刪除Wai兄、在下唔敢講坐水機收費310美元貴定平、但我知這類水上飛機唔係四維都有得坐。講開又講、如果去馬爾代夫呢種籃天碧海嘅地方、撞正風雨就真係連興趣都失埋咯！
回覆刪除域Sir，呢種水上飛機全球只得幾個國家有，而且馬爾代夫又是獨市，冇競爭焗住搭。
刪除啱架，遇到風雨真係掃興，所以最好㨂旺季去。
馬爾代夫，唔知有沒有「大飛」的交通工具？如果有一定會有生意！
回覆刪除我想加多句，有氣墊船仲好！
刪除Shu 兄，有大飛暫時冇氣墊船，不過佢地唔係叫大飛，叫快艇speedboat 價錢也不便宜，最近的收費也要百幾美元。
刪除