由耶利哥去約旦河沿途所見都是山區和沙漠
約旦河
阿拉伯式午餐
以巴隔離牆
百利恆市中心
主誕教堂入口謙卑之門
2012 年列入世界文化遺產後開始維修
主誕之星
巴勒斯坦一天遊午餐後,跟著去的景點就是约旦河,見到河水混濁,聖經說耶蘇曾在此河受浸洗,河中間有兩條浮標做國界分隔線,對面就是約旦,見到好多基督徒在浸洗,導遊叫我用河水洗一洗雙手,話會行好運喎,既然萬水千山咁遠來到洗就洗啦,香港人唔怕米貴最怕運滯,希望洗完手之後行番個好運.講真的約旦河不是基督徒,來不來都冇所謂一眼睇哂,如果夏天來就慘啦,驕陽似火無瓦遮頭,曬都曬到煨.
伯利恆最多遊客參觀的景點是主誕教堂 church of Nativty 每年有兩百多萬遊客,其次是隔離牆,主誕教堂2012年列入世界文化遺產後展開大型維修,至今仍在維修中,內裡到處見到有鐵架,教堂內有好多個地下室,其中一個地下室以耶穌誕生的祭壇下雲石鑲有一粒銀星最為吸引,据說是耶穌誕生的正確位置,見有大量基督徒跪地親吻,良久不願離開.
我個人覺得到巴勒斯坦旅遊,可以不用跟團,耶路撤冷大把巴士到百利恆,路程距離大約十多公里,再由怕利恆去耶利哥,其它兩個景點可去可不去,省回不少時間和團費,留多一些時間在山城百利恆遊覽仲好得多.
以巴隔離牆
檢查站
巴勒斯坦首府 Ramallah 拉姆安拉
前巴勒斯坦解放組織主席阿拉法特 Arafat墓地
就是呢位導遊買一袋柑送團友非常甜
以色列人一向叫巴勒斯坦為西岸West Bank,西岸又分為三個區ABC ,A區為巴勒斯坦人管治,B區以色列和巴勒斯坦人共同管治C區則由以色列人管治,我們參加西岸一天團,總共去四個景點包一餐阿拉伯式午餐,上午七時左右出發,晚上七時卅分回到酒店,經過檢查站,冇人上車檢查,第一個景點就是巴勒斯坦自治區首府 Ramallah 拉姆安拉,雖然多年戰亂,但市容尚算整潔市民生活悠閒,以前睇過一位花旗佬博客的博文講佢在阿姆安拉租車時比人偷佐部車,佢去警局報案,差佬叫佢坐低先沖杯咖啡飲下,慢慢來,他說去過好多個國家的差館,從未試過有咖啡招待,所以我特別留心警察和差館,可惜一個都見唔到.
Mount of Temptation
第二個景點就係 Jericho 耶利哥,是地球上最早有人類居住的地方之一,考証有一萬零五佰年歷史,耶利哥盛產小型香蕉和蜜棗,導遊每人分一隻試下,遠遠望去有一個山,不太高大约300多米,但呢個山名氣相當大,叫 Mount of Temptation 馬太福音講魔鬼誘惑和試探耶蘇就是在此山,山頂上建有一修道院,有纜車可上山,但唔好彩當日出了故障,無缘乘坐,導遊說之前有女考古學家發掘出好多出土文物同聖經記載不吻合,所以引來好多基督徒唔 happy喎.
以色列航空公司 EL-AL
晚餐青豆羊肉味道還不錯
早餐 OMELETTE
以色列特拉維夫本古里昂機場
以色列機場移民管制,過關不算麻煩
今次旅行以色列想省回一點時間,坐直航的話只有以色列航空,過多兩個月後就有國泰CX 直航, 最便宜的是俄航,香港莫斯科再轉機特拉維夫足足要花一天時間,來回要花兩天多,冇得選擇之下只好揀以色列航空,以色列航空機票超貴來回要6750港元,貴的原因据說是每架航機花費百幾萬美元裝有紅外線防導彈系統,有呢個系統就可以避免如馬航在烏克蘭上空遭導彈擊落的慘劇發生喎.
香港飛特拉維夫飛行時間11小時45分,要繞道中亜再由地中海入,避開敵對阿拉伯國家的領空,所以要飛多兩個多小時,浪費燃油和飛行時間,可是我們今次更有些唔好彩,困在飛機上一個多小時才能起飛,原因是香港國際機場延誤了一個多小時,親眼見到飛機打蛇餅焗住排隊等候起飛的情境,講真的香港國際機場一早己經飽和需要起第三條跑道,可惜有些人無視現實環境仲要反對.
迷你 Arancini
Twice cooked duck
朱古力布甸
蘇格籣鬼佬朋友前幾日又請我吃西餐,今次是今年第六次,都唔知點講啦,呢間是意大利餐,以前開在皇冠賭場,後來搬到市中心現址,每天晚上都差不多滿座,tripadvisor 評語都不錯,事實上墨爾本的意大利餐隨了意大利本土之外公認最好的,而且有一條街 Lygon st.該區有小意大利之稱,整條街都是意大利餐廳.吃完呢餐後佢仲話下次請我吃一間以塔斯曼尼亜Tasmania 生蠔海鲜出名的西餐,呢間所有海鲜都是從塔斯曼尼亜空運來喎.
過兩天就是聖誕節,在此順祝各位聖誕快樂,身体健康.
Field muschroom 饟帶子
水晶三文魚
佢又走去櫃面埋單
前幾日鬼佬朋友又請我吃西班牙餐,今年己經是第五次,都唔知點樣講,唔去佢又失望,去嗎次次都係佢埋單,而且次次都是西餐,食得多西餐都厭,有次我問佢不如轉下口味,試下其它國家的餐啦,好似泰國印度都合鬼佬口味,中餐仲正,唔信睇下全世界有邊度冇中餐?好多鬼佬一試就鍾意,一試便知龍與鳳,佢話唔試,獨沽一味西餐至死不渝.
