摩洛哥遊 (四)

峽谷

Ait Ben Haddou文化遺産

仙人掌果

橄欖

Essaouira 日落

Eaasouira 古城世界文化遺産

古城

海鮮吃法就是燒

香港人睇到一定流哂口水,千呎花園洋房三房二廳,最低消費港幣一百萬有找

日出



山羊上樹

離開撒哈拉沙漠中途經過一個峽谷,停留十多分鐘,然後到一個叫 Ait Ben Haddou 的小鎮停留一晚,呢個鎮有條河,對面山上有一條小村,有幾十間房屋,大约建於11世紀,房屋用赤黃泥土建做,大部份是二層的房子,房子頂層四角建有防衛台,可防御敵人入侵,天氣乾燥的原因,直至今天仍然保存完好,1987年列入世界文化遺産,一登龍門,身價十倍,吸引大量遊客蜂湧而至,為求一睹真身,其實冇乜睇頭,村內仍然有幾戶人家居住,居民靠擺賣工藝品,畫畫為生.

第二天早上去一個面對大西洋的海港城市 Essaouira ,呢個城市以沖浪,滑浪風帆最為吸引,皆因風特別大,遇上風的季節一房難求,30多年前我在香港大浪灣玩過一次風帆,可惜個次無風無浪,乘興而去敗興而回,呢度剛好相反,風速驚人踏浪而去,乘風而返,市內有一古城也是世界文化遺產,早上導遊帶我們登上古城堡,說我們今天運氣非常好,皆因大量老表旅遊車未到,有可能遇上塞車,可以輕鬆悠然遊覽喎.

摩洛哥(三)

遠眺摩洛哥最高的山,可見山頂積雪

導遊請我們飲駱駝奶,味道說不出

終於見到了撒哈拉沙漠

沙漠帳蓬

 

柏拍爾人營火唱歌

早上日出



鬼仔真係黒仔,早上剛騎上駱駝,駱駝就倒下,他還講笑說,駱駝尋晚唔夠訓,今早唔肯開工,後來証實駱駝暴斃,冇駱駝騎,他焗住步行一小時

大部份人去摩洛哥多是以去撒哈拉沙漠為主,以前睇過台灣女小說作家三毛''撒哈拉的故事''印象深刻,她以前住的是西屬撒哈拉一個叫Laayoung 的小鎮,由Marrakech 去要坐十多個小時車,而我們参加的四天沙漠團,去的是一個叫Erg Chebbi 的沙漠,包一晚沙漠住宿,來回中途各住一晚,騎一小時駱駝和柏柏爾人的晚餐加營火唱歌,其實沙漠團大部份地區都差不多,主要是看沙堆面積大不大和沙堆顏色夠不夠紅.

今次去的時候剛好晴空萬里,看到的星星多到不能用說話形容,可以說是我呢生人見到星最多的一次,有一對加拿大夫妻前後到過三次撒哈拉,都話從未見過今次如此多的星.依家我都有些後悔,為甚麼去之前不學下如何拍繁星滿天的照片,見有人帶腳架,想起自已唔識拍,冇拍到繁星的照片,感到極為可惜,好多人長途跋涉就是去拍星.

摩洛哥遊 (二)

早上8點30分開車

沿途穿越 Atlas mountain

中途住宿

影城

   到沙漠之前一日，中途住宿，第二天早上差不多開車時，有一英國鬼仔突然大叫 shit，不要開車我的護照不見了，好多人落車去幫他搵，有些人去餐廳，有些人上房間搵，亦有人在車廂內搵，搵了大半小時搵到，原來他放在他女朋友的手袋拉鍊旁邊的袋內。

第四天早上差不多開車時，他的女朋友又大叫，不要開車呀 my god ，我的手機不見了，個個人又去幫她搵，她心急在大堂打開行李喼搵,搵了大半小時搵到，原來在她男朋友的牛仔褲尾袋，呢個世界乜嘢事都可能發生。

今次參加一間英國旅行社 Nomadic 辦的撒哈啦沙漠六天團,因為不想到了Marakech再花時間去搵沙漠團,團費雖然是貴些少,可省卻中途停留購物,更可避免有老表同團,呢個團總共十二人,十個都係鬼,包括英國,加拿大和澳洲,吃和住可以,鬼妹沿途唱歌吹水,大家玩得好開心,講真的出門旅行最主要是尋開心.

早上八時卅分出發,中午到了一個叫 Quarzazate的城市,吃午飯休息,停留一天,呢個城市是沙漠團的中途站,如果自駕遊可以不停呢個城市,直去沙漠但要坐多五至六小時車,感覺會好辛苦,所以一般沙漠團都以此城市為中途站,此城市以前曾經有幾套荷里活電影在此取景,食住上就地搭建一個影城作為觀光景點.

摩洛哥遊

等列印寄艙行李收据




行李自動過磅




巴黎出境打蛇餅




從機窗外望出 Marrakech



Marrakech機場




馬車遊



Jemaa El Fna Square 廣場

舊城

賭場








浴室門外

 





擦完身背之後的手套送給客人

巴黎機場已經全部自動化,全部要自己操作包括check in 列印登機証,寄行李等,如果之前從未試過,雖然操作介面有多種文字說明,但都要花些時間,加上機場移民局十幾條通道,通常只開二至三條,安檢非常緩慢,加上法蘭西民族工作態度一向悠閒,如果你們下次去巴黎出境的話,提早二個半小時到達機場我也不敢說時間夠不夠.

今次摩洛哥半自由行, 巴黎飛Marrakech三小時左右,機場都幾靚,入境方便快捷,一步出機場見到陽光普照藍天白雲,九月至十月是摩洛哥最佳旅遊的季節,天氣不冷不熱,風和日麗,爽呀.第二天早上坐馬車環城走一圈,下午去試摩洛哥式的土耳其浴,呢間浴室都幾旺,一個多月前訂位都話滿,因我同老妻以前都從未試過土耳其浴和摩洛哥式按摩,試完之後你問我感覺如何?我只能說一般般,泰式古法按摩比他們好得多.