 |
| 這是成龍的親筆簽名 |
講起成龍想起好多往事,大约20年前多些,我和我老婆去日本,在啓德機場登機閘口等候上機時見到他,我老婆問我有冇一張白紙,我問拿來做乜? 她說拿去比成龍簽名,冇呀,拿張10蚊紙比佢簽,我老婆話佢肯唔肯簽呀? 放心啦,百幾人都冇一人個搵佢簽,佢唔簽我簽.
Stella 姐留言'成龍講過的野都要經理人同佢「善後」架' ,好似上次又話中國人是要比人管的,這也難怪他,從少就比佢老豆送去于素秋老豆于占元處學北泒武打,出名的總共加埋七丁人,叫做七小福,個個十歲多,一唔聴話就受打受罰,所以養成自卑心態.又使我想起多明呢加認識的一位己經失去聯絡的朋友.
朋友介紹我認識時講过他的名字,但我忘記咗,個個人都叫他做靚仔,17至19歲左右,滿臉稚氣,他在朋友五金店對面街的唐人雜貨店做雜工,早上9時做到晚上8時,星期日休息,我到過他做工的雜貨店好幾次,見到店內有一告示寫上西班牙文,意思是''本店蠅頭小利,絕不掛賬'',見到好多人都是自携一小膠樽買生油四份 一 升,,亦有人買幾枝香煙,亦有買米半磅,香腸半條或大半條,臘燭,火柴等, d 人真係好窮,生意濕碎,但人流多,算山大斬埋有柴.
朋友同我講靚仔的父母就是怕他在香港讀書不成,怕學壞,所以送他來這裡比佢老豆的同鄉代為管教,他住的宿舍就是雜貨店的樓上,有次我去到他叫我上去宿舍睇下,一進去見到兩張碌架床,他指個張上層是他睡的,我睇到牆上有二行字 ''我们在天國相見,神自會審判奸人''我問邊個寫?佢話佢寫.後來我問朋友点解他要寫這些?原來他宿舍有人唔見錢,懷疑是他幹的,他有冤無路訴,從二樓跳下,大難不死跌跛咗隻腳,所以行路有些少拐拐地. 唉奸人如何會去天國?係去都係去地獄啦.正蠢仔
在鈔票上塗鴉是法律不容！
回覆刪除年少氣盛又衝動，跌跛咗隻腳傷透父母心！
Stella 姐，法理上係，不過佢老兄肯簽都冇辦法。
刪除若果個個人都會想到父母的感受，就不會做咁多蠢事。
你的往事，指你身邊的人都幾淒酸，真的，落後地方的景況就如六十年代的香港！
回覆刪除Shu 兄，我見到的還有很多，寫出來比大家睇下人生百態，花花世界，千奇百怪，呢d 係人性。
刪除被人冤枉就跳樓、對自己有害無益兼於事無補、果然係傻仔喇！
回覆刪除域Sir,若果佢識諗就唔會做如此傻事啦。
回覆刪除你的朋友年少無知，真是太衝動了！表達冤枉竟然傷害自己！不值得。
回覆刪除阿姨年青時也試過給別有用心的同事冤枉，聲譽當然愛損。可是我心清理正，我行我素！在如此惡劣的環境下，堅決不會辭職。最後年終加薪點我在中上，比很多人都好！證明上司完全認同我工作上的成積。
「成積」也可寫作「成績」。喜歡”明星”也是一種生活情趣。不過，明星祇宜遠觀。
刪除銀幕上的形象通常是給美化了。如果天天和他一起生活，可能就會打了一個大大的折扣。
阿姨今日才睇到你的留言，唔好意思遅了才回覆。
刪除有些人心理質素低，受唔住刺激咪一時衝動咯。