恭賀新禧,新年快樂



墨爾本機場去年掛的是紅燈籠,今年是揮春



今早到機場接朋友,坐電機下一層樓時,聽到有普通話的廣播,小心緊把扶手,墨爾本機場幾年前開始,每逢農曆年都掛上新春的裝飾,到處都見到有中文告示,幾十年前澳洲佬一向睇唔起亞洲有色人種,以為自己是歐洲白人,整咗個白澳政策,只收白人,唔理有冇技能,学識,收埋一大堆垃圾,不事生產,最後都要面對現實,取消咗,兼且地理上是亞洲,歐洲佬又當佢地係孤兒,花旗佬又當佢地係馬仔,變咗豬八戒照鏡,二边不是人,所以不得不調整國策,親近亞洲,而且大6國富民强,愈來愈多表叔來這裡旅遊,帶動墨爾本經濟,澳洲佬亦要講一聲,表叔真好嘢.


朋友們呢幾年,每次來玩,都順便帶幾本財經雜誌和報紙給我,我冇叫他們帶,因我有訂閱網上的壹週刊和經濟日報,不過既然帶來,都要講聲多謝.過二天就是馬年,在此祝各位網友身體健康,萬事如意,財源廣進.

種木瓜



朋友送的臺灣木瓜種子



木瓜原產地是中南美,記得以前在多明尼加玩時,幾乎每天飲木瓜牛奶,好味有益,新鮮又平,後來傳到臺灣,比臺灣佬發揚光大,好多人仲以為木瓜牛奶是臺灣佬創做的,佢地更將種子改良後出口去世界各地,臺灣佬的農業技術相當高水平.

以前的木瓜樹要種二棵以上才可以結果,好似新西蘭的奇異果一樣,要公乸同時一齊種,簡單說即是唔可以自身授粉,而且樹身又高大,不過經過種子改良後,依家只要種一棵亦可以結果,冬天時不用淋太多水,否則根部會爛,咁就瓜得.木瓜樹壽命不長,大約三幾年就玩完.

有朋自遠方來

去年＋月我朋友從美國洛杉磯來這裡玩時,我請他們在呢間酒家吃晚飯,我有post博文話揾笨的中餐,估唔到上個星期就摺埋.唉做生意要公道.



 

下個星期三即年廾九,有三位朋友,從香港來我這裡玩一個星期,其中一對夫妻,去年前年,大前年之前再之前亦有來這裡過年,都唔知點解呢對夫妻咁喜歡來這裡過年?我攞一天假去機場接他們,他們話行李太多喎,有幾本最新的週刊是送給我的.


世事就是如此巧合,上次朋友從美國來時,剛好我股票賺咗,請他們吃咗幾餐,他們話唔好意思,我話唔緊要,下次我去美國請番我就得啦,今次剛好有朋友從香港來,股票有些進賬,就算股票冇賺也要請他們啦.

一個舊籌碼的故事 11

今日睇到一單新聞話香港中文大學副院長麥陳淑賢涉嫌虐傭被警方拘捕,這人可能心理質素有問題,而且另外一單仲大劑,要出動重案組辣手神探去印尼落口供,千里為傭只求財,唉攪到人傷成咁,於心何忍呢.


又使我想起多明尼加的一位朋友蔡先生.上次講到他返香港揾老婆,有日他約我去飲茶,見到他的父母,傾談時他的父親,(己過身多年)同我講,亞松即蔡生,讀書時成績真的好差,只讀完小學,而佢細佬由細到大讀書好叻,好多獎學金,依家仲係倫敦大學攻讀緊博士學位,讀的課程非常冷門叫細菌化學.幾年後他在中文大學任助教一段時期,後來大6佬高薪請咗佢去大6,我見過他細佬兩次,我成日都感到奇怪,同一父母所生,為何有如此大的分別?佢老粗一名,成日講粗口,但他细佬談吐温文爾雅,學識淵博,20多年以前在中大任過職的人,有些會認識他,因細菌化學,香港極少人讀過.


蔡生是一個老粗,可以說完全冇文化,而且光頭,身型如彌勒佛,又煙又酒又莫財,佢揾到呢位女仔做老婆,我只能講佢好運,姻緣呢樣嘢都好奇,呢位女仔在製衣廠做,樣貌身材一般,不喜歡同人交談,你問一句她就答一句,30多年都冇變過,他們快要結婚時,我和蔡生去過她的家,住在蘇屋村,她的父母親知道我去過多明尼加,不停的問我有関蔡生和多明尼加國的事情,以為蔡生經營鐘錶店講莫財不是真的?多明尼加生活好唔好呀?

唔合格的炒飯



店名冇記住





越式牛肉河



揚州炒飯,差 

上個星期日和我老婆去呢一間,在皇冠賭場二樓的越式餐館吃午飯,我叫的炒飯不夠熱,有些飯又一舊舊,我老婆叫我投訴,話要換過一碟,算啦我都唔係好鍾意投訴,投訴後厨師可能會扁咀.


而我的一位舊同事剛好相反,些少事就投訴,他告訴我之前在皇冠一樓吃牛扒,激到要投訴,原因他們四人,三個人的餐都到了,只有他等了半小時才到,他叫的一份牛扒要半生熟,而他一切開就見到太熟,叫部長來看,問部長這是半生熟嗎 medium rare ?部長話好的幫他換,點知再換的牛扒他一切開見唔到有血,最後要揾經理來,終於唔使比錢,但他的做法我唔認同,人家開餐館是小本經營.

西蘭花湯



先把 leek 和洋葱切絲





放在湯鍋內加些少蒜頭炒香 



放入水,雞肉,薯仔,西蘭花心切片同煮二十分鐘後,把雞肉拿走

最後加入西蘭花煮二至三分鐘,然後用攪伴機打碎,加鹽,胡椒粉,再煮滾

若果想好看,中間加些少 cream和一片簿荷

這個西蘭花湯的製法,是我見一位意大利星級廚師做的方法,因為我以前記憶力比較好,只要比我睇一睇就記得,睇咗網上好多的做法和賣相都唔合格.


香港的西餐好少用西蘭花做湯,是日餐湯多是羅宋湯,周打魚,忌亷湯等,可能西蘭花貴,呢個西蘭花湯有益兼好味,小兒小女好和我都好鍾意飲.

種青瓜 cucumber

15/11/2013



18/12/2013

13/1/2014

cucumber 据說3000年前已經有人種植,可以直接播種在田,也可以用培養土發芽後移植在田,我是直播多,因種籽平,發芽率高,發芽後將弱的除去,强壯的留下,呢種瓜要多淋水,若淋水不足,所生產的瓜會帶有苦味.

cucumber 青瓜,有人叫小黃瓜,日本仔多是拿來切條加入做壽司,西餐就做沙律菜,差不多是生食,不能煮,因一煮就溶哂.

種翠玉瓜 zucchini

呢種發芽紙杯是加拿大出產,是用可分解的生物製造,放入泥土後會自動分解

放入種籽後每天噴些少水,保持濕潤直至發芽

發芽後見到長出第三塊葉後就可移植到田或盆

把泥土堆成小丘,中間挖空後成個放下

再填番泥

zucchini 香港人叫翠玉瓜  http://libproject.hkbu.edu.hk/was40/detail?lang=ch&channelid=1288&searchword=herb_id=D00585

對我來說是很粗生,種二棵有幾十個收成,我用的種籽多是在雪梨呢間種籽店購買,價錢便宜  http://www.4seasonsseeds.com.au/


西餐有用開的花來做菜,花蕊內放入調好味的肉碎,沾上蛋槳,再沾麵包糠,然後用油炸.

souffle 法式梳乎厘

souffle

先將牛油蔒溶後加入麵粉再攪伴

加入牛奶,糖

煮完後如此 

把雞疍分開,蛋黃先加入

再加入芝士

疍白打到如棉花後一起再攪伴

 放入錫紙杯或瓷杯

焗爐預熱,185度焗16至18分鐘

做法式梳乎厘的方法如上,上次我去朋友做工的酒店,見到一位法國厨師正在做緊,我咪用手機拍下,可以做朱古力,雲喱拿等,方法都是大同小異,自己也可變化,亦可做醎的,也可加入南瓜,番薯,因為冇法律規定,只要自己鍾意加入セ都得,加合掌瓜亦可.

種南瓜

13/10/2013

18/12/2013

5/1/2014

10/1/2014

南瓜原產地是南美,因它的種子比較厚,先浸一晚清水後才播種,咁樣發芽會容易些,種南瓜雖要的地方大,因為它不斷向外爬,愈爬愈遠,葉又大又多,公花和乸花差不多同一時間開花,若果乸花附近見唔到有蜜蜂和螞蟻,最好就幫它們人工授粉.


南瓜都冇セ病毒侵襲,成長後又唔怕雀鳥啄食,因為皮厚,而且又可以儲藏多月.西餐多切粒加油鹽胡椒粉放在焗爐焗熟後用來做伴碟菜,也有用南瓜來打湯,味道都唔錯,我都鍾意..

種番茄

12/10/2013



2/11/2013

24/11/2013

9/1/2014

朋友送比我的四棵番茄,他說好大好靚,所以留下種籽發芽,發芽後他用濕水紙巾包住然後送來給我.在此也要講声多謝,雖然佢冇睇我博..


放心蕃茄都是好粗生,冇咁容易瓜,只要移植在田或盆的時侯小心些,不要弄傷根部就可以,開始時淋水不用太多,保持濕潤.


蕃茄營養價值高,西諺有講,蕃茄一紅,醫生的臉就黑,常吃蕃茄可預防生癌,我吃唔哂多是拿來打蕃茄湯,好味呀.