今日睇到一單新聞話香港中文大學副院長麥陳淑賢涉嫌虐傭被警方拘捕,這人可能心理質素有問題,而且另外一單仲大劑,要出動重案組辣手神探去印尼落口供,千里為傭只求財,唉攪到人傷成咁,於心何忍呢.
又使我想起多明尼加的一位朋友蔡先生.上次講到他返香港揾老婆,有日他約我去飲茶,見到他的父母,傾談時他的父親,(己過身多年)同我講,亞松即蔡生,讀書時成績真的好差,只讀完小學,而佢細佬由細到大讀書好叻,好多獎學金,依家仲係倫敦大學攻讀緊博士學位,讀的課程非常冷門叫細菌化學.幾年後他在中文大學任助教一段時期,後來大6佬高薪請咗佢去大6,我見過他細佬兩次,我成日都感到奇怪,同一父母所生,為何有如此大的分別?佢老粗一名,成日講粗口,但他细佬談吐温文爾雅,學識淵博,20多年以前在中大任過職的人,有些會認識他,因細菌化學,香港極少人讀過.
蔡生是一個老粗,可以說完全冇文化,而且光頭,身型如彌勒佛,又煙又酒又莫財,佢揾到呢位女仔做老婆,我只能講佢好運,姻緣呢樣嘢都好奇,呢位女仔在製衣廠做,樣貌身材一般,不喜歡同人交談,你問一句她就答一句,30多年都冇變過,他們快要結婚時,我和蔡生去過她的家,住在蘇屋村,她的父母親知道我去過多明尼加,不停的問我有関蔡生和多明尼加國的事情,以為蔡生經營鐘錶店講莫財不是真的?多明尼加生活好唔好呀?
那些虐待他人的行徑真是要不得，當然這也包括一些自以為是，用說話來踩人，頤指氣使；好多時這更是一種暴發戶者心態與階級觀念所驅使…
回覆刪除Shu 兄，我想他們,是心理上有問題，可能變態，正常的人是唔會用暴力對待傭人。
刪除自以為是，睇唔起人同埋用說話踩人的人，只能說自大冇品，冇修養，我話佢地係井底蛙。
都希望印傭事件快快水落石出！
回覆刪除Stella 姐，報章用拘捕的字眼和姓名工作的中文大學名字都登出來，肯定有證據，至於告唔告得入遲些就知。
刪除另外的一單重案組和勞工處班友二個多小時後就到達中爪哇取証，希望如你所說，盡快水落石出。
偉兄的一個籌碼的故事，可說是生活實錄，很有可讀性，期望多寫。
回覆刪除早年舍下樓上人家多菲傭，曾見一個少主在電梯起腳猛踢接他放學的菲傭！少主是個重量級的兒童。當時我看不過眼，大力出言制上。他身後溫文的小姐姐才有些勸說。
這篇實錄曾戴於我早期的網誌。到了今天，每逢乘電梯見到他們這對龐然大物的母子，心裡少不免甚為反感！
阿姨，呢個世界乜嘢人都有，呢d 虐傭事件，只是一少撮人，不能夠代表全港僱主。
刪除一個舊籌碼的故事，全是我親眼見証過，不過年代久遠，想到乜就寫乜，雜亂無章，估唔到你仲說有可讀性，真係使我開心到瞓唔著。
都是實話實說，開心就好！
刪除身為高尚學府教頭竟然虐待傭人確實豈有此理。此人肯定係心理不平衡架喇！在下也親眼見過有些人對傭人嘅態度難頂到極。我懷疑假如自己就是那傭人嘅話、說不定會請那顧主食一頓兜槌窩麵的。
回覆刪除域 Sir , 隨咗用心理有問題之外，都唔知用乜來形容他們。
刪除其實好多外傭和本地工人，於弱勢社群，更多機會受到不平等的對待，好多時都要忍氣吞聲，正是人在矮簷下，誰敢不低頭。