港式奶茶



十字飽加牛油唔錯




前年去印度旅行時見個彫刻的本盒幾靚,內有大吉嶺紅茶葉,咪買咗帶返來



大吉嶺紅茶是印度較好的

睇到網友芬妮講南非復活節有食十字飽的習慣,剛好我朋友送咗幾個比我,以前澳洲復活節餅店都有十字飽賣,但後來愈來愈少店有得賣,只有 post 二個十字飽的相片就出貼文好似唔係咁好,雖然唔收大家的錢.不如加埋奶茶.

香港人平均每日飲250萬杯奶茶,我都鍾意飲港式奶茶,呢個冲奶茶的茶袋是我自製的,用衣架的鐵線加一片網紗,因香港賣的都是好大個冲茶袋,是比茶餐廳用的,而只有我一個人飲,用咁大冇個茶袋セ用.我用大吉嶺紅茶和朋友送的鍚蘭紅茶一同煲,煲幾分鐘後成間屋都聞到茶香撲鼻,通常我都是拉三次就算,拉多幾次就滑些,唔拉亦可,最緊要茶唔好煲太耐,因太耐茶味都破壞哂,變咗苦瀝.

最近呢幾年香港攪咗個金茶王大賽,澳洲雪梨去年都有派人去参賽,不過入唔到三甲,墨爾本選拔賽今年七月舉行,勝出者有免費機票,膳食住宿,代表墨爾本参賽香港國際金茶王大賽,我睇過佢地的賽制,所有茶葉,茶具都是大會供應的,無法自行買茶葉配制沖茶.

http://www.hktdc.com/info/webcast/v/tc/can/1X04BTYN/