 |
| 豹紋衣帽 |
上個星期天在皇冠賭場二樓睇許冠傑演唱會,當晚全部滿座,大約2000多人,他說是第一次來墨爾本,因睇見歌迷熱情不減,話希望明年又再來,呢個演唱會冇司儀,嘉賓有佢兩個仔懷恩,懐谷,和懐谷的老婆,同埋佢徒弟,佢唱完第一首歌後,唱第二首時就走下臺想同歌迷握手,可惜歌迷太熱情,大批人蜂湧上前,攪到場面失控,令他和保安寸步難行,之後只好留在臺上唱到完.
他今年雖然66歲,但唱歌仲好夠氣,二個半鐘幾乎由頭唱到尾.記得好多年前,有次見到電視訪問佢,他說他小時侯家境很貧窮,佢老豆做行街推銷員,行到鞋爛咗都冇錢買,到佢自己揾到些錢想買比佢老豆時,佢老豆已經不在,子欲養而親不在,所以他作咗一首歌父母恩紀念父母親,今次都有唱,唉人生好多嘢,到真正失去的時候才會後悔可惜.
今年10月6日剛好是我們從香港回來第二天,譚詠麟和李克勤來墨爾本 CONVENTION CENTRE開一場演唱會叫左麟右李,講真的,呢兩條友的歌我一首都唔識,一首都未聽過,不過我老婆已經買咗門票話請我去開吓眼界喎.
第一張影得好正
回覆刪除咁你太太又講得好啱，你要開開嚇吓眼界囉！
Stella 姐，唔係呀，點正呢？我全部都是用手機拍的，人頭湧湧又迫連企都企唔穩。
刪除睇兩條友的演唱會要400元，我就唔捨得，留在香港去你介紹個間全港最高的餐廳吃自助午餐6個人還有錢剩。
偉兄，我唔知你移民澳洲有幾耐，以前的澳洲人都幾自大同好歧視。香港歌手來開個唱，海關及其他與演唱有關的人員，好多時都會諸多挑剔，好似梅艷芳就講過，去過一次就不會再來，但而家全世界都睇錢份上！
回覆刪除不過左倫右李要$400 我就一定唔睇！
Shu 兄，第一次移民澳洲是31年前，報到後住咗幾個月，第二次再返來住了四年多入埋籍才返香港，第三次再回來住到今天。
刪除澳洲以前的確好歧視有色人種，其中以昆士蘭人為最歧視人，佢地叫所有從其它省份移入的人包括澳洲人在內叫Mexican 墨西哥人，因墨西哥大量非法移民移入美國，佢地又叫鄰近省邊界移入的人做 cockroach 蟑螂。不過時移世易，依家澳洲所有機場都有中文標示，普通話播放告示，証明老表好嘢。
我老婆買的二人普通位，若果買VIP 每人要258元。
第四張相影得好靚呀 ! 剛巧有深淺的綠色光線, 加上橙黃色光, 襯著阿Sam 的黑白衣裝, 整張照片真個美麗。
回覆刪除400元的入場費真係貴呀, 不過, 難得你太太喜歡 !
阿姨，當晚好難影相，因人太多太擠迫，你推我撞夾硬迫上才影到幾張，手機距太遠又影唔到。四百元是二張，不過我都嫌貴。
刪除真是大鄉里！我在這裡從來沒有去過紅館看歌星的演唱會。因為電視和dvd的影牒裡，什麼歌什麼演唱會都會。反而在年青時，有陪朋友去看大型的表演。近十年來，我祇會去博物館；去大會堂聽看林克漢的管絃樂團表演，他主打小提琴獨奏「梁祝協奏曲」，聽之無憾！
回覆刪除有時無聊，也去大會堂聽看「大L」等人的演唱會。現場確是有立體的感覺。
阿姨，紅館我都係去過一次咁多，但現場睇同睇碟差好遠，現場有樂隊演奏，有震撼感，而且人多又有熱鬧氣氛。
刪除梁祝協奏曲和黃河大協奏都很好聴。
Wai 兄、阿sam 嘅歌能唱出普羅大眾心聲、所以到今天依然有聽眾。注於左麟右李就唔係這回事。
回覆刪除域Sir，同意，當晚佢有講有些歌都是佢自己作曲作詞，通俗易記又過癮，唱出普羅大眾心聲。
刪除ng Wai 午安,
回覆刪除豹紋服飾是阿sam 嘅特色標記,至今,很多銀髪一族也是他的忠實歌迷,
華兄，晚上好。係呀，豹紋戰衣是他的標誌，我也是他的歌迷，因他唱的歌夠生鬼。
刪除此留言已被作者移除。
回覆刪除拍得精彩啊! 再作馮婦不減當年呀! 謝謝分享!
回覆刪除Candy 姐，亞Sam 寶刀未老，佢希望明年又再來，佢真係再來我會買飛支持。
回覆刪除