 |
| 睇網上鬼佬的食評介紹去呢間試下 |
澳洲的食評博客多是用真名,因好多人都是參考食評去揾食,愈出名愈多人睇,又有廣告收入,出埋書名成利就亦有,三年多前澳洲 TVB 介紹過其中一位博客的新聞,原因他在雪梨一間意大利餐廳吃餐時等得太耐,然後在他的博反影,個位餐廳老闆睇到後就留言反駁,想快有得食,不如去麥當奴,博主又反駁,嘈來嘈去,最後大家還要出動律師告上法庭,兩條傻老益咗律師.
睇到網友 Stella 姐介紹的丽斯卡爾頓自助午餐,我叫朋友幫我訂咗今年九月六位,請埋佢兩公婆,去年九月叫他幫我訂 Stella 姐介紹的家常便飯和美味少爺介紹的香港仔柏記,但他話柏記訂唔到位,幫我改訂第二間小炒王,今次我只叫他訂 cafe 103,其它我自己訂,以免他又幫我揸主意.
26澳元係咁上下喇，我仲記得喺89年在墨爾本市中心一家酒樓食自助打邊爐都要十多元澳幣，啲食物碴到痺.....
回覆刪除我呢邊有啲都唔錯，但價錢起碼要五六十以上至過得去，前年我去賭塲觀光塔上面吃自助餐，成七十幾元亦一樣冇乜好嘢食，所以真係要靠一些食評或食家介紹。
Shu 兄，對的26元差不多啦，一分錢一分貨。唐人街有間叫龍舫的自助打邊爐，每位都是廾多元，不過我都好耐冇去，因我唔多鍾意自助餐。
刪除偉兄，好似就係你講嗰間龍舫，唔知我有冇記錯？當時的酒樓裝修又龍又鳯，嗰陣時呢間外表好華麗，而入便就一般喇。
刪除Shu 兄，係呢間啦，龍舫皇宮，以前都有自助飲茶點心任食，不過我都好多年冇去，唔知變成點，因市中心泊車麻煩又貴，冇乜事都好少去市中心。
刪除Wai，我昨晚在和三位朋友吃晚飯，唔錯，老火湯一掀開煲蓋香氣撲鼻，蚧子黃金蝦甘香可，阿麻雞可口，鎮江小排骨有鎮江醋的香，可惜骨多肉少，最敗筆是乳香粗齋菜煲；粉絲索哂獻汁杰撻撻又糊口，加埋兩碗白飯，有每人$93。飯後有西米椰汁露送；香甜！
回覆刪除http://www.home-feel.com/
尖沙咀 麗斯中心
住家菜
星期一至日 11:30-10:30
尖沙咀柯士甸道122號麗斯中心地下高層
外賣熱線:3105 0515
傳真: 3105 0516
Stella 姐，你真係好口福，成日都有美食享受，好的，呢間都要去試下。
刪除講起自助餐呢家嘢、咱家紫荊城家家都差不多、吃來吃去不難吃出新意來。在下反而喜歡光顧不同地方風格嘅餐廳多一些。
回覆刪除域Sir,我同你一樣，對自助餐冇乜興趣，鍾意一些特別的，有風味的餐廰。
刪除香港酒店自助餐很貴，食物幾乎千篇一律，過去較常去的尖沙咀洲際，自助餐每位八百多元，沒有生蠔供應，四人三千多，相等中價十二人酒席費用。
回覆刪除Km 兄，嘩八百多元就真係貴，每年返香港都吃二至三㳄，因小兒小女特別喜歡，而我香港朋友兩公婆亦一樣，佢地話可以慢慢㨂嘢吃，吃下停下又可吹吹水唔使趕喎。
回覆刪除我這裡的自助餐不貴，但食物都是千篇一律， 剛回香港吃過兩次， 一間約$180 HKD， 另一間約$150HKD， 雖然較美國貴，海鮮不及美國多， 不過食物的味道都不錯！
回覆刪除Kei 哥，你最近在香港吃的自助餐很便宜，百幾元應該冇乜嘢食，去年在金鐘的一間酒店吃晚餐自助餐都四百元多，有生𧐢，魚生。
回覆刪除幾年前我在拉斯維加斯一間酒店試過吃自助午餐，三十幾美元一位，算平，不過冇乜嘢食。
香港人愈來愈細食, 開自助餐館在食物方面不會太花本錢。我住紐西蘭時去自助餐館就覺得店主好傷。因為毛里人個個男女都好似巨人, 食量大, 而且一來就成村人。
回覆刪除Peter兄,絕對啱,我十多年前去過紐西蘭威靈頓的一家中式自助晚餐叫福祿壽,見到隔離檯一位毛里人吃的東西,仲多過我和我老婆,朋友三人的食量.店主是我朋友認識的,佢話自助餐跟本冇錢賺的.
刪除偉兄，你講嗰間福祿壽好耐歷史，應該有二十多年，係班老一輩不懂煮唐餐的人開，食物水準好一般，勝在抵食，我自己就唔會幫襯，咁耐我只去過三、四次。
刪除其實邊度都假，便宜就一定麻麻，好似有一年（1996），有人請我吃自助西餐，話好平好抵食，12元一位，誰知道肉都冇多件，浄係得啲沙律和麵包，唉！搞到我返屋企仲要搵嘢食！
Shu 兄，係呀，呢間嘢好耐啦，我朋友從香港移民去紐西蘭的基督城，再搬去威靈頓，後來又搬去奧克蘭，來來回回最後又回流香港，他仲有一箱書和一箱雜物，留在我家後花園的鐵皮屋，紐西蘭的駕駛執照都留係度，係一張紙，都唔知他還要不要。
刪除第日得閒都要寫番一篇博文講下紐西蘭，因為以前我去過三次，對上一次都是19年前的事了。
紐西蘭駕駛執照現已改了像身份證咁上下，以前嗰張係撕唔爛同終身的，如今冇呢支歌仔唱喇，仲要補錢去換張新的。
刪除Shu 兄，明白了，我想他已不要了，他以前同我講過，香港駕駛執照不能直接換領，要従新考過筆試同路試，其它國家如澳洲就可免試換領。澳洲都是一樣，香港駕駛執照亦不獲承認，要花錢花時再考，都唔知乜原因。
刪除