 |
| 阿拉斯加冰川遊 |
 |
 |
今次又 post 一些呢位大廚朋友以前 send 比我的照片比大家睇,今次是阿拉斯加冰川遊,呢條郵輪是他同呢間公司做過工的第二條郵輪,他前後總共 send 咗百多張照片比我,他不止說話長氣,連 send 照片都是一樣,佢有時一天 send 十幾廾張,包括他交過的幾位女朋友,甚至連他細妹的家庭和小孩的照片都 send 比我睇,北京,東京遊亦有,不過要搵都好痲煩,因為有些少是我用手機拍的,而且相隔太耐,有些又唔知放咗去邊度.
交朋結友最緊要講緣份,所謂人结人緣,酒逢知己千杯少,話不投機半句多,可能佢和我有緣份,又或者佢可能覺得我是一個可以傾訴的對像,好似他上班時遇到一些不愉快的事,不公平的事亦向我傾訴,有次甚至想投訴他的 supervisor亦同我講,我聴他講完,好言安慰,有時覺得他對咪精神上支持他,順手幫佢插埋個位 supervisor咯,佢就開懷大笑條氣順哂.
偉兄與朋友間的情誼，真是衷誠感人。
回覆刪除第一張照片很瑰麗，如見到大郵輪破冰！冰川如在眼前，立刻進入了一個冰寒的世界。
阿姨，人生總會遇到一些值得交或不值得交的朋友，良禽擇木而棲是錯不了。
刪除阿拉斯加的首府安哥拉治我都去過，以前坐大韓航空由香港飛紐約經漢城，再經阿拉斯加到紐約，因航班滯留在安哥拉治，所以停留過一晚，也可以叫做去過阿拉斯加。
我相信對朋友，必要有包容和做個忠實聆聽者罷！
回覆刪除Stella 姐，我想人際的交往是好覆雜的，要友誼持久，包容和聆聽是最起碼的條件。
刪除ng Wai 晚上好,
回覆刪除你呢位大廚朋友對你真好,佢信任你才會向你講心事,佢認為你係佢嘅知己才會事無大小都講俾你聽,
華兄早上好。
刪除佢真係好信任我，幾乎佢自己所有的照片都send 比我睇，以前同佢一齊做過同事的一位澳洲鬼佬朋友，也可算是他介紹他比我相識的，他們是舊同事，我問過呢位澳洲佬幾次，佢有冇 email 相比你，佢話一張都冇。
偉兄，我也喜歡多聽你的往事和心聲，你是否會說出來跟大家分享？
回覆刪除做朋友千祈唔好你估我、我估你，要坦誠，要包涵，而且更要均真，那麼朋友才能做得久！
Shu 兄,闖蕩江湖三十多載,確實見過好多人和事,有好多往事歷歷在目,不過又唔知如何寫?我鍾意寫有相片介绍的事,可以比人參考和分享,可惜大部份都冇照片,冇乜說服力.
刪除你講得對要包涵坦誠,澆花要澆根,交友要交心,問題是好困難搵交心朋友,我的記憶力一向很好,依家年纪老大,開始有些退化,以前試過有幾位新相識的朋友同我講大話,他們轉頭又忘記講過的乜嘢,因為講大話是經不起時間的考驗,一耐咗連佢地自已都忘記了,不過我都好少拆穿,因為無傷大雅,不過若果幾次都是一樣,証明此人對朋友有問題,要疏遠和保持距離.擇友金句之一,路遥知馬力,日久見人心.