睇網友華娃兄的網誌,知道他是踩單車高手,我都有好多年冇踩單車,剛好呢個聖誕新年假期,我多次同小兒小女到市中心購物,漫步墨爾本市中心,睇街頭表演,我有 post 在 facebook,又坐在如巴黎街上的咖啡店,一邊喝咖啡,一邊看街外遊人,行下見到有單車出租,想起華娃兄對單車有研究,所以拍幾張照片介绍一下.
全球有百多個城市有單車出租的設施,墨爾本呢間在市中心範圍之內有51個站,每站都可租車和還車,每站長短不一,半小時内免費,付費要用信用咭,按金50元,交好租金後就有一條膠匙弾出,當日我見有位花旗仔和花旗妹租單車,但見唔到有租頭盔的設施,我就厚多士的問他們頭盔如何租?他們說是自己從花旗帶來的,踩單車可省交通車費,而且又環保,更可強身健体,得閒我都要踩下單車咯.
今天是2014年最後的一天,明天又是新的一年開始,在此祝願各位新年身体健康,财源廣進.
ng Wai 早上好,
回覆刪除多謝 Wai 兄讚賞, 關於踩單車高手一事實在愧不敢當, 在下只是喜愛踩單車及在網誌上吹吹水吧,
很多城市都會設有一些自助出租單車的設施, 如大陸深圳等地方, 情況與 Wai 兄所述的一樣, 用國內的八逹通拍咭取車,還車及收費, 非常方便, 此舉可推動底碳生活及鼓勵國民多做運動, 但香港就遠遠落後於他人, 就連興建一條單車徑咁簡單嘅事, 也錯漏百出, 規劃了拾幾年也未完成興建,
華兄,早上好
刪除我極少將香港和墨爾本相比,因為唔同級數,墨爾本連續三年嬋聯全球最適宜居住城市第一位,但將香港和同級數的國家和地區相比,就立分高下,環保,體育,文化,絕對同意香港遠遠落後於他人,就連興建一條單車徑咁簡單嘅事, 也錯漏百出, 規劃了拾幾年也未完成興建,最大原因是呢個政府無能,不是全港選民選出來,不雖要向選民交代.,而且高官薪金是全球最高之一,但做的嘢是全球最少.
我地沙田曾經有段時間是出租單車的黃金歲月。
回覆刪除Stella 姐,對的,我以前睇過呢單新闻,比條 link 你回味http://the-sun.on.cc/cnt/news/20130703/00407_057.html
刪除Wai 兄、在下間中也會在新界單車徑踩單車、這種帶養運動確實能令自己出一身汗。雖然有點攰、但亦有一種說不出的舒暢感覺。
回覆刪除域 Sir,踩單車確實是一種好的運動,我家附近有條單車徑,一路踩可直逹到公園,沿途景色怡人,而且有泊單車設施,泊咗單車後,有坐椅,可坐下休息,仲有免费燒烤設施,得閒會寫篇博文介紹一下.
刪除偉兄，你那邊租單車咁方便，咁你有冇諗過買番部，喺我呢度Warehouse 有啲唔使一百元，唔要求都可以㗎！
回覆刪除現這裡已是零晨，亦即是2015元夜，此祝偉兄新的一年，事事順意，幸福快樂，身體健康！
Shu 兄,我都有一部單車,都買咗十多年,雖然是舊舊地,但依家仍然可以踩得.
刪除對的新西籣快澳洲兩小時,所以你們先過我們過年,祝你新年好
新年快樂！
回覆刪除Thanks.
刪除新的一年又來臨了，新年新希望，祝偉兄元旦快樂！闔府慶吉祥！
回覆刪除阿姨,多謝,也祝你新年快樂,萬事如意.
刪除