 |
| oyster muschroom 照說明書教的種法,先放水泡浸一晚 |
 |
 |
| 每天早晚噴水 |
 |
 |
 |
| 呢種磨切片做沙律可生食亦可炒,做磨菇湯仲好味 |
 |
| 世界上最毒的磨菇,死亡帽 Death cap 照片取自澳洲政府網頁 |
想起個多月前睇到香港有單新闻講有十幾人採摘野生磨菇食後中毒,仲有一人死亡.幾年前澳洲坎培拉亦有四位中國表叔採摘野菇,食後有二人死亡,佢地就係食呢種野生磨茹死亡帽,澳洲政府多次叫人唔好採摘野菇食用,老表唔怕死,此菇由歐洲傳來,其毒無比,亦無解藥,食後要12小後才知中毒,但肝臟已全遭破坏,救得番都要換肝.我家後花園時常見到好多野生磨菇,雖然知道冇毒,但我依然不敢採摘拿來蒜蓉清炒,因為好多有毒的磨菇,一般人都分唔出,有些更要化驗後才知,胡亂採摘吃後輕則嘔吐暈舷,重則去見閻王. http://orientaldaily.on.cc/cnt/news/20150323/00176_011.html
好多人都唔知,原來抗生素,抗癌藥的一些成份是從磨菇菌類中提煉出來,磨菇菌類對人体有益,益處多又冇脂肪,小兒同我一樣,最鍾意將磨菇菌類蒜蓉清炒,小女最喜歡金針菇 enoki 跟越南紮肉一起放湯煮公仔麵,澳洲市面上有幾種食用磨菇賣,其中有一種叫 field muschroom圓周面積比足球细些少,重量差不多有成大半磅,鬼佬多是加牛油,鹽放在焗爐焗熟,我成日話鬼佬唔識食.
偉兄，我這邊沒那麼多種類，就算有呢度啲鬼佬都唔識貨。
回覆刪除又聽說有痛風病的不可多吃菰類，唔知你有冇聽過？
Shu 兄，啱呀，好鬼佬唔識貨，好似中國人將鮮冬菇 shitake 曬乾變冬菇，用𧐢油來炆煮，煲湯亦得，又可保存，鮮冬菇鬼佬唔知點食。
刪除痛風病不可多吃菇類，冇聽過喎。
種菇 得健康！yeah！
回覆刪除Stella姐，自己種的味道鮮甜好多，呢度菇類都不貴，自己種仲貴，只不過見到減價一半就買回家種。
刪除我家亦很喜歡吃菇類。亦曾經在參觀養菇場時，買了一個像小冬瓜似的養菇物體回來，可惜不懂打理，失敗告終。
回覆刪除阿姨，種菇不要有太多光缐，若果陽光直射瓜得，隂暗潮濕的環境就最好，有些菇如上的蠔油菇要多些水，每天早晚噴水，如普通的磨菇，二至三天噴一次水，太多水又會浸瓜，要看說明.
刪除ng Wai 晚上好,
回覆刪除在下也很愛吃菇類食物, 早時在郷間居處附近也有一間菇場, 整間屋內以發泡膠密封, 工人進入工作時要穿雨衣水鞋及帶口窧, 得知種菇須昜但條件很高, 如發菇的物料要經消毒, 溫度及濕度要準確, 菇苗不能接觸陽光,
華兄，早上好。
刪除係呀，菇苗中一半用木糠，要煮同消毒，呢度有一函授課程教人自己做苖和如何種植，環境也不一定要隂暗，有好多鬼佬在車房都種得好靚，最重要唔好比陽光直接照射就冇太大問題。
塔斯曼尼亞有一間蘑菇工廠，引入日本仔的技術生產金針菇，非常十分成功。
Wai兄、在下很多時都會吃磨菇、中式西式都常吃、不過覺得西式磨茹湯最正。看你種嘅磨菇有點心癢癢、因為越新鮮嘅磨菇造出來嘅湯越好味。
回覆刪除域Sir，我都喜歡用磨菇打湯，用新鮮的仲好味。
回覆刪除見過我鬼佬星級大廚朋友做的蘑菇湯，蘑菇加蒜頭，洋蔥炒香，加薯仔雞湯煮滾，打碎碎後加忌廉，再加鹽胡椒粉。
Wai 兄、原來這裡有造磨茹湯秘方、在下不問自取、偷師學造個湯來試下至得喇！
刪除域Sir，簡單易做，好有益。
刪除食材能夠自給自足
回覆刪除是煮食的一大滿足感
一哥，只係種些少玩下，貪得意，邊有能力種到自給自足。
刪除你種的菇好成功, 菇蘑十幾蚊只有幾粒, 自己種有樂趣, 有得食, 好啊!
回覆刪除呢d 磨菇都好易種，因為種子都在裡面，只要淋適量的水就可以了。
回覆刪除