 |
| 和諧號火車 |
 |
| 人參雞湯 |
今次專程到廣州一天遊,是要見一位相識了大約九年多的網友,我和她從未見過面,她以前寄過三本旅遊書給我,一本印度,一本斯里籣卡,另外一本西藏,她知道我喜歡炒股和旅行,所以寄給我睇,而且又寄茶葉,多次叫我到廣州一天遊,但我每次返香港只停留幾天,認識她和十幾位香港炒股的網友是在香港一個"經濟日報"財經網站內的 forum,不過 forum己經關閉了很久,當時還認識十幾位網友,有次我返香港,大約是九年多前,一班人晚上來大埔相見,可惜股海無情,十多人差不多被淘汰了,如今只剩下一位,我每次返香港他都專程到大埔搵我飲茶吹水,趁今次停香港個多星期到廣州一天遊.
她在廣州站等我們,載我們去白天鹅賓館吃自助午餐,白天鹅以前是廣州第一間五星級酒店,20多年前住過一晚,幾年前關門停業裝修,今次見到全新裝修,自助午餐不便宜,每人差不要四百人仔,餐後她搶著埋單請我們,她說股票執了很多很多喎,我不想講出銀碼.真係好多,在此也再次說聲多謝.記得初相識她時,她炒股成績極差,輸多贏少,原因大部份多是道聽途說人云亦云,我叫佢唔好盡信網上的财經博客同講股佬,因大部份都是老作吹水,係掂唔使日日寫,事實上都冇時間日日去寫,遊山玩水家住豪宅.我多次勸她長缐投資,短炒出出入入執蝇頭小利,炒股最緊要有持貨的恆心毅力,千淘萬瀝雖辛苦,寒沙吹盡始見金,
http://ngwai.blogspot.com.au/2014/01/blog-post_3302.html
http://ngwai.blogspot.com.au/2014/02/blog-post_14.html
我唔嚇得，所以我唔敢炒。
回覆刪除之前也是貪玩我才玩下，有贏有輸，最後打過和果，但我太太就輸咗很多，所以我一聽到佢想蠢蠢欲動，我就會很提心吊膽……
因為我而家真係輸唔起，咁偉兄有冇乜好介紹呢？
Shu 兄，日日炒出炒入等如去馬交賭博，好似今日嬴明日輸，炒來炒去贃不多，分分鐘得個桔。
刪除買盈富基金或大6基金收息後本利再投資就最妥當。
真係股海明燈，可惜認識你遲，我已被股海奄C........
回覆刪除Stella 姐,唔怕啦,你仲後生,大把機會等著你.
刪除Wai 兄、無論投資抑或投機都係講求心得、所謂福至心靈吖嘛、真係少點心機都唔得嘅。睇貼士發達嘅人我未見過、跟風躀直嘅人就見得多喇！
回覆刪除域 Sir,完全同意,睇貼士發逹嘅人我亦未見過,基金經理黃國英講,寫財經的大把人住板間房,真係諷刺.
刪除Wai 兄、講起來、在下認識一位寫馬經嘅朋友、佢就係從不賭馬嘅人。在七十年代、我亦認識一位經常贏馬、但偏偏全不懂馬嘅賭徒。聽聞佢講、識人就得嘅喎！
刪除域Sir，我以前有一位朋友，留學台灣，大學畢業後回香港一時找不到合適的工作做，有人介紹佢寫馬經維生一段時間，有次佢睇完晨早後同我飲茶，順囗問下有乜貼士，佢話係有貼士佢自己都發啦。
刪除Wai 兄晚上好 ,
回覆刪除炒股嘅嘢講起都怕,皆因輸唔少,
華兄,晚上好,
刪除炒同投資是兩件事,炒是托付運氣,正如中原地產施老闆講,以為炒幾炒就發逹,咪咁天真啦.長缐持有優質股才叫投資,本利再投才會致富.
幾年前我受人影響而買過兩次股票，第一次贏了少少，第二次輸得較多。
回覆刪除都是跟錯師，那人是喜歡短炒的。其實我是沒有那個賭的心性，從此洗手不買了。也聽說作長線投資的人獲利較豐。
阿姨,短炒要貼市,若果冇時間最好就不要短炒,短炒執唔多,財不入急門,長線投資就唔使日日睇股價升跌,慢慢等收成.
刪除想起電視講[人生有幾多個十年]那句話^^
回覆刪除人生真係無幾多個十年,可以keep到十年真係一d 都唔容昜.
刪除白天鹅賓館,,我上一年就住在那裡.....
回覆刪除講到股票,,我這幾個月學人玩,,,第一次買匯豐銀行就賺予8000元,,而家第二次買,,現在有5000盈利,不過仲未走,,,,嘻嘻,,我算低位入..
叻女,有前途.
刪除