 |
 |
 |
 |
| Rib eye 牛扒 |
 |
 |
| T bone 牛扒 |
今晚小女話想去鋸扒喎,都唔知去邊間,想來想去不如就去呢間意大利餐連鎖店 La Porchette 呢間離我家很近,開車只要幾分鐘,我們六點多去到,以前去過好多次,冇去都有大半年,原來又再轉了老闆,又再裝修過,之前幾年亦曾轉過手亦裝修過,但是不知道甚麼原因,生意總是做不起,今晚我們去到不用等位仲有好多空位.
我們點了兩客 Rib eye 牛扒,一客 Chicken Schnitzel 一客 T bone 牛扒,一渣可樂一支啤酒,埋單165元,價錢不貴,味道算不錯,地點位置極好,亦有大量泊車位,奇怪就是不知道為何生意做不起?做生意有時都要講運氣,雖然轉手多次,裝修多次亦冇用, 我想不如換下口味轉做馬拉餐或越南餐可能會好好多.
其實做甚麼餐也不緊要，因現時潮流興名氣，要能製造出品牌效應就乜都掂當！
回覆刪除Shu 兄，啱架，依家真係要講品牌，所以愈多人識愈好生意，有些星期六晚上一早就坐滿人。
刪除意大利餐不只是意粉和薄餅，我也喜歡。
回覆刪除KM 兄，有人話意大利餐是世界上最好的西餐，比較多人認識的仲有 Risotto ，不過Arancini 就較少人認識，墨爾本有一條街叫Lygon Street 有小意大利之稱，除了意大利本土之外，呢度的意大利餐為最正宗。
刪除Wai兄、計我話甚麼餐都冇所謂、最緊要就係啱食就得嘞。不過就算有好東西供應、亦必須有足夠宣傳、否則就好難旺起來。
回覆刪除域Sir，啱架，冇宣傳冇人識，依家有好多都是靠FB和網上食評推介，愈多人識就愈好生意。
刪除偉兄真是識飲識食。太多的煎炸物，我就不大敢吃了。若是餐館太旺就難等位，若是無冇人吃的，就驚啲嘢唔好食。
回覆刪除好吃而又人不多，就恐怕佢做唔落去哩。
更正：若是冇“乜”人吃的，就驚啲嘢唔好食。
刪除阿姨，我唔係食家，只不過老妻懶煮咪多些出街食咯，相對餐廳愈好生意食物品質就愈新鮮，愈冇生意就不愈不新鮮。
刪除做唔起又轉過手都唔掂...可能係個鋪風水唔好.....
回覆刪除澳門有d街都係咁...明明就夠哂人流...但個鋪就係轉極手都做唔起
靚女，係咯，有d 舗真係做唔起，呢度我見過一間舖做中式上海菜唔掂改做四川火鍋又唔掂，後來改做西餐又執，改做傢私店又摺埋，空舖都有幾年啦，因我有朋友家就在附近，久不久經過見到仍是空舖。
刪除