 |
| 英磅硬幣,1英磅,20便士和10便士 |
 |
| 10 法國舊法郎, 2001年改用歐羅 |
上星期四英國的一個全民投票,表決留歐或脱歐,點知结局爆出一個小型冷門,脱歐派嬴佐,攪到全世界金融市場大幅波動,英磅大跌,想起我上次去英國玩時,好似還用剩一些英磅硬幣,前日搵到出來,又使我想起一些往事.
1987年8月我從澳洲返香港,剛好當年香港股市牛氣沖天,股票行人頭湧湧,滿街股神,而我好彩亦有些少斬獲,我的一位朋友就賺到笑不合咀,他想我和他兩公婆同遊歐洲,問我好不好?我說冇乜時間,得個多星期左右,就算去只能去兩至三個國家,他說他老婆只想去巴黎購物,去完巴黎順道去英國返香港,我们一行三人先到巴黎,玩了幾天後坐船去英國,到了英國港口Dover 入境時他兩夫妻拿英國香港護照,俗稱BNO 行英國人的通道 British Passports 而我持澳洲護照就行英聯邦通道 Commonwealth ,我出了關口等他們大半粒鐘還未見他們出來,後來只見他老婆一個人出來,我問她你老公呢?她說還比英國移民官在問話喎.
我和她老婆等他,等了大約四個多小時才見他出來,他一肚火,拿香港英國護照BNO不能行英國人通道,要改行other Passports 的通道,移民官問他來英國做甚麼?帶了多少錢來?他說現金不多,有兩張信用卡,移民官比張紙給他 you are required further information 叫他坐埋一邊等,最後帶同行李到一房間開給他們檢查,問有冇英國唐餐館的卡片?我想英國佬可能怕他留在英國的唐餐廳洗大餅做黑市居民,攪了四粒多鐘才給他入境,他跟我說永不再去英國呢個歐洲破落戶.
浪費四粒多鐘，又換來一肚氣，真係冇第二次啦！
回覆刪除Stella 姐，就算冇一肚氣，去一次都夠啦。
刪除我在89年揸住紐西蘭護照也去過英國，出入兩次都很順利，但反而是去加拿大時，卻被關員反覆盤問了我約十多分鐘，問來問去都是怕我留加賴低唔走！
回覆刪除還有一次更激氣，96年我和太太回紐，誰知我也一樣給海關扣查，今次耐些，約大半個鐘至放我走。
所以我相信是老外對中國人有選擇性歧視！
Shu 兄，吓紐西蘭護照去加拿大都比關員反覆盤問，我去加拿大兩次都冇問題喎，自己護照返紐西蘭都比扣查，咁就真係選擇性歧視。
刪除澳洲依家同香港一樣出入境都不用經移民櫃檯過関，不用受選擇性歧視，是自助過関，自己先Scan 護照，跟著對住相機鏡頭，核對完冇問題閘門就自動打開，不同是香港用手指模，澳洲用樣貌生物科技。
在當年香港決定回歸祖國之時，英國已經落閘，所發的新護照名為 BNO (英國海外公民護照)，已經沒有了居英權了。
回覆刪除他們就是怕97後,會有很多人湧去英國。
原來拿BNO 的香港人,只能走 other Passports 的通道，這真是一個很好的提示。
難為一向習慣了殖民主義的香港人，還心深不忿做中國人，以為紅鬚綠眼才是阿爸阿媽。
聽說很多黃皮膚的中國人拿著他國的護照，在過關時都會被關員投以歧視的目光，或會被扣留查問。
刪除所以我叫女兒去外國選旅遊時，只拿著“特區護照”就得了。
阿姨，英國佬不是怕97才落閘，早在60年代已經拒絕港人居英權，我70年申請香港英國國護照去旅行，護照上寫明持有人無權居留英國，英國佬最無道義，人家萄萄牙就給馬交葡國護照等同萄國本土人仕，英國政府仲賤格，統治香港成百年，一向冇民主，立法行政局議員全部官守委任，走之前留下蘇州屎攪到香港依家亂七八糟。
刪除用特區護照挭係好過BNO 啦，英國呢個破落戶已經日過中天冉冉西沉。。
Wai兄、講得好聽啲、英國係一個老牌民主和經濟大國。講得現實點、英國一向都係最滑頭嘅歐洲國家。今次脫歐短期會有沖激、但這亦證明英國人心知亞洲當頭起之濟、就係歐洲當頭跌之時、才會起歐盟飛腳嘅。
回覆刪除域Sir，英國佬梗係精啦，留在歐盟要跟班東歐窮鬼一齊捱，不如早走早著。
刪除BNO沒有用，回歸前我已不續了，現在特區護照更好用。
回覆刪除Km 兄，講方便特區護照一定好過BNO 。
刪除法國舊法郎好珍貴呢!!!!
回覆刪除靓女,珍乜贵呢,以前有大量流通架,只不過算纪念品.
刪除