警車護送

留底手提輕機槍連子彈
 

前天睇一位舊網友的博文,她說去非洲阿爾及爾旅遊時,一團人坐一部旅遊巴士去一個地方有六部警車護送,她是我最佩服的博友,我佩服她有學識,熱愛旅遊,夫妻兩人去了成百個國家,我一向患有自大狂,都好少佩服人架,所以有財經博主和訪客留言者都話我有自大狂喎,唔識炒期貨,睇我的留言就知道我水平有限實屬攪笑,有些仲話我連信用卡透支現金炒股利息平至三厘半咁低都唔知,都係唔好講其它,言歸正傳,只有落後危險的地方才有警察護送旅遊者,請問邊位見過先進國家有警察護送旅遊巴士上的旅客請舉手.

我也試過去非洲埃及旅行時有警車前後護送,因為之前曾發生過恐佈份子樂蜀大屠殺,嚇到好多國家的政府對國民發出旅遊警示,少去為佳,旅遊是埃及的經濟命脈,政府有見及此,規定所有去阿貝辛貝神廟的旅遊巴士,早上五時集合集體出發沿途軍警前後護送,每部車上更派一名手持輕機槍的警察坐陣,剛好我坐的那部旅遊巴士中途休息時,個位老兄丟底支輕機在椅上,人都唔知去佐邊?同團有位香港退休幫辦團友,我同佢講有支輕機在椅上,佢話如果在香港佢寫報告寫到手都軟.

說起警車想起上個月的一天星期六晚上,大约十一時多,我還未返家,老妻和小兒在看電視,突然聽到有人大叫大力拍鐵門,嚇得我老妻叫小兒馬上打000電話報警,小兒和警察通話內容,大致如下,小兒 W 警察P

W:喂,有人大叫大力拍我家的鐵門.
P : 幾多個人?
W: 一個人.
P :手上有冇武器或物件?
W: 唔知,睇唔到.
P :條友依家仲有冇大叫?
W:聽唔到,可不可以叫在附近巡邏中的警車前來睇下?
P :附近未有巡邏警車.
W:咁點做呀?
P :15分鐘後條友仲未走再打來,晚安.