 |
 |
 |
 |
| 佢老兄的攝影技術好不了我多少 |
 |
| 蘇聯明信片 |
 |
| 蘇聯郵票 |
 |
| 莫斯科郵戳 |
朋友前兩日 we chat 佐一些照片給我睇,原來兩公婆返香港跟團去俄羅斯,我之前以為他們去歐洲是英法意等國,仲話使乜跟團可以自駕遊或自由行啦,講真俄羅斯自由行難度真係幾高架,因為交通食宿日常生活所有都是用俄文,英文又不普及,感覺雞同鸭講,他說九天團費二萬港元有找算抵玩啦,而且住的是四星級酒店,莫斯科加埋聖彼德堡,俄羅斯也是我好想去的地方之一,我剛才同老妻說,依家開始存錢,明年聖誕節去俄羅斯.
說起俄羅斯又使我想起香港的一位朋友,他1988年豪情萬里遊,單人匹馬由北京坐火車經蒙古穿越西伯利亜到莫斯科,有成萬公里,當年蘇聯還未解体,仍是共產國家,他在莫斯科寄過一張明信片和一封信给我,講些沿途見闻,當年蘇聯同大陸一樣,剛開放冇耐,進口洋貨十分搶手,中途火車停站,好多俄羅斯人問他有乜野要賣?他戴的一隻爛鬼膠手錶,二手牛仔衭,都比人高價收購,給他的盧布足夠他在莫斯科吃了幾餐喎.
多年前的東南亞、台灣和韓國大多都係咁，都係一樣高價收購那些黑市貨品。
回覆刪除嗰時啲導遊都唔知幾發！
Shu 兄，我在澳洲都好少聽到有関東南亞，台灣和韓國有黑市貨品。
刪除以前我返香港曾經幫朋友帶過一部彩電返大陸，因為可以免稅。
多年前台灣帶免稅酒和黃金都可從中取利，而韓國好似係化裝品香水之類東西，而越南、菲律賓、泰國雖沒甚麼可帶，但西洋煙酒亦一樣可以圖利。
刪除至於日本，雖然有錢，但他們也喜歡一些A貨如假勞、假袋等等，我知是因有朋支做這方面的生意，而且兼做外國水貨。
Shu 兄，係呀，以前臺灣韓國帶煙酒黃金，咪等於依家的深圳帶貨水客一樣，前兩年到深圳過関時，見到深圳海關叫停一些人到房檢查，可能是認得呢班帶貨水客，原因是熟口熟面。
刪除「依家開始存錢」，你使乜咁客氣呢！唔使兩轉的期指已購夠了！
回覆刪除Stella 姐，炒兩轉就夠，我都想呀，承你貴言，現實上邊有咁容易，咁容易我都發咗達啦，仲去捱份牛工，真係前世未捱過咩。
刪除蘇聯郵票真係幾少見。聽講以前的菲律賓警察會向遊客兜售手扣，和其它物品；機場的海關人員又會任意取去遊客的東西。
回覆刪除阿姨，係呀，我都聽說過賓佬賣手扣的事，落後國家乜嘢事都會發生，所以要見怪不怪。
刪除Wai兄、俄羅斯在蘇聯時代經濟搞不起來結果散當。但老共瓦解之後西方依然不放過它、現在還忍受着西方制裁、若非阿爺大量買入其石油、恐怕要吊沙煲了！之但係、俄羅斯嘅美麗景物是不會受政治氣氛影響的、由其是莫斯科就是值得一遊之地。
回覆刪除域Sir ，西方不想俄羅斯壯大，咪要制裁咯。
刪除莫斯科值得一遊之外，西伯利亞更是寶藏。
近排真係好多人去俄羅斯!!我有最少3個朋友去!!
回覆刪除以前郵票好靚!難得係你仲有保存~你都好有心~
靚女,係呀,可能盧布貶值相對抵玩,我仲有大把郵票,你要的話比些給你啦.
刪除