往事如煙

一個舊籌碼的故事

歲月流逝冇見面好多年的朋友，昨天終於打電話找到他了，這位朋友是我以年前去多明尼加共和國玩的時候認識的，我的博文一個舊籌碼的故事，講多明尼加認的朋友中包括他在內，1980年初他返香港玩時，我和他去過韓國和大陸玩過，自此之後已經冇再見面，只有寫信聯絡，印象深刻是其中一封他寄給我的信內付有一首打油詩，'世人交友重黃金，黃金不多交不深，終使暫時能相許，黃金散盡陌路人'。  

  自從移民後生活壓力大，工作忙碌加上要照顧兒女，冇乜時間寫信，七年幾前佢兩公婆返香港玩時，比了他的電話給我妹夫託他轉交给我，呢幾年我間中打過幾次電話給他，但打了很多次都打不通，兩個幾月前由多明尼加移民美國的朋友傾電話中講起他，原來他的店前舖後居，幾年前遇上火災整條街燒哂，他比了他的太太手機號碼給我，我 I messages 佢太太，佢太太比了佢家的電話給我，因為我的手機每月有30分鐘免費國際長途電話，昨天聯絡上了他，但他只傾了幾句就叫他太太和我傾，他太太說他眼睛老花視力不好，而他的雙耳聽覺仲差，電話中大部份聽不到我講，他太太説他最後近這幾年心情一直不好，情緒低落少講話，所以已經冇用手機幾年了，歲月不饒人，唉。