北京遊

紫禁城亦即故宮博物院的 正門入口

人頭湧湧



以前皇帝坐的龍椅

毛主席的墨寶 不登長城非好漢

居庸關

北京我前後去過三次,第一次去大約32年前,當年遊故宮門票才幾毛錢人民幣,依家門票要60元人仔,加上近10月黃金週到處都是人,又不準進入保和,太和,中和的大殿內拍照,以前可以進入大殿內任拍皇帝坐的龍椅,依家只能站在大殿門外遠拍,保安又嚴密,入院前所有背包都要經過X光机檢查和搜身.

以前我去的是八達嶺長城,今次去的是居庸關,真係發夢都估唔到會咁巧合在長城碰到我墨爾本的一位朋友,他年多前請過我一家人到他家吃過一次晚飯,當日還送咗個一個好大的冬瓜给我,他們一家四口坐東方航空經廣州到北京,而我們坐國泰經香港到北京,呢個世界真係细咯,有緣千里能相會,無緣再世不相逢.

左麟右李演唱會

從香港回來第二天晚上去睇呢個演唱會,因為門票個多月前我老妻已買好,我話唔想去睇,但她話請埋我喎,好啦去就去,我一向對呢 d 過氣歌星都冇乜興趣,李克勤說十多廾年前參加歌唱比赛拿到冠軍,才正式參與演藝生涯,個陣我已經移咗民,在演唱會時聴到有人話佢自大,得罪咗一些人,所以比無線雪藏咗好耐,後來靠左麟右李鹹魚翻生,譚詠麟我都冇留意過佢的歌,只知道佢老豆譚伯是球員同埋是溫拿樂隊主音歌手,其中另外一位主音歌手是鍾鎮濤,早排睇新聞才知道亞 B哥在印尼巴里島花燭重逢,再做新郎哥,破產後一無所有,江東子弟多俊秀,捲土重來,豪花千萬攪場婚宴,好嘢.


呢兩位歌星都是第一次來墨爾本演唱,當晚都坐有九成多人,佢地演出非常賣力,伴奏樂隊是太極樂隊,唔知點解以前都不見他們來墨爾本?可能以前他們太红,請不起,又或者是墨爾本唐人不多,所以不想來,依家墨爾本唐人極多,而他們又日過中天,夕陽西下,見到歌迷熱情,又話想再來,今個月29日李龍基又來,我都未聴過他的歌,但我老妻已託朋友買了票啦.

馬交遊

左手戴玉鐲手握 iphone手机個位就是我老妻

海鲜週打湯

 

咖喱羊肉

蜜汁燒肉

葡式燒沙甸魚

芥茉豬脾仔

鹽燒海蝦

每年返香港玩時,班朋友們一早约定我們馬交遊,隨佐吃喝之外,因他們還喜歡賭幾手,記得去年朋友帶去财神爺吃魚翅燕窩,燕窩又贵魚翅又唔環保,今次我問咗一位朋友,佢介绍呢間在黑沙湾的林記燒烤,價錢大眾化,味道算不錯.訂座電話:66625872.

今次佢地去海立方搵赌王何生交手過招,以為何生依家坐緊輪椅就好欺負,準備又食又拎,唉何生雖然坐緊輪椅,但寶刀未老,8個人進去,7個人交低買路錢,只有我嬴錢出來,因為我不赌,不賭是嬴錢,賭王何生,新赌王呂生都是只怕兩種人,第一種唔赌錢的人,另外一種是死人.

我成日叫人唔好赌,唔好炒牛熊,可惜班盲毛又話我唔識嘢喎,所有中西式的赌博我幾乎全識,天九,牌九,番攤,十五湖,麻將,21點,百家樂,鬼佬骰仔掟骰仔入 box 之後掟個7出來就玩完 ,我不算笨,而且以前記憶力極好,乜賭一學就識就精,好似賭百家樂抽水,算你有運嬴一鋪輸一鋪,本金都比抽水抽乾.牌九又食夾棍兼抽水,不妨想下馬交政府不停泒錢就知錢從何來.

自助餐

網友Stella 姐介绍的自助餐廳,是全港最高的餐廳 café 103,當日是9月29日星期一,都幾乎滿座,食物精美,但種類不算多,海鮮有三文魚,金槍魚,長腳蟹,蝦和青口,我吃自助餐一向都吃不多,但我朋友夫妻兩人和小兒小女就吃得多,他们最喜歡吃自助餐,年年都吃一次至二次,記得去年在尖沙咀一間酒店吃自助晚餐時碰到電視藝人羅蘭姐.有一年在中環吃自午餐時又碰到張堅庭,剛好他坐在我們隔離檯,他的名字我忘記了,我只記得他和鄭裕玲拍过一套戲叫表姐你好野,是在靚女網友美露迪告訴我他是張堅庭.

果樹

梅

桃駁梨

杏

西梅

無花果





長型西梅

蘋果

 

因為最近很忙,差不多成個月冇出過花園,今早出去花園睇下,好多果樹都開花,有紅有白,其中以桃駁梨和蘋果樹開的花最鮮紅最靚,所以拍些比大家睇下,因香港是亞熱帶,好少見到有呢些果樹開花.


種得太多果樹好麻煩,冬天時落到滿地樹葉,又要修剪枯枝,不同的果樹和不同花樹,有不同的修剪方法,上面的書就教人如何修剪,修剪得好可保持花果,枝葉茂盛,修剪是也算是一門學問,有些果樹隔年結果,就要修剪去好多花.