從香港回來第二天晚上去睇呢個演唱會,因為門票個多月前我老妻已買好,我話唔想去睇,但她話請埋我喎,好啦去就去,我一向對呢 d 過氣歌星都冇乜興趣,李克勤說十多廾年前參加歌唱比赛拿到冠軍,才正式參與演藝生涯,個陣我已經移咗民,在演唱會時聴到有人話佢自大,得罪咗一些人,所以比無線雪藏咗好耐,後來靠左麟右李鹹魚翻生,譚詠麟我都冇留意過佢的歌,只知道佢老豆譚伯是球員同埋是溫拿樂隊主音歌手,其中另外一位主音歌手是鍾鎮濤,早排睇新聞才知道亞 B哥在印尼巴里島花燭重逢,再做新郎哥,破產後一無所有,江東子弟多俊秀,捲土重來,豪花千萬攪場婚宴,好嘢.
呢兩位歌星都是第一次來墨爾本演唱,當晚都坐有九成多人,佢地演出非常賣力,伴奏樂隊是太極樂隊,唔知點解以前都不見他們來墨爾本?可能以前他們太红,請不起,又或者是墨爾本唐人不多,所以不想來,依家墨爾本唐人極多,而他們又日過中天,夕陽西下,見到歌迷熱情,又話想再來,今個月29日李龍基又來,我都未聴過他的歌,但我老妻已託朋友買了票啦.
偉兄，我個人有點古怪，歌喜歡舊的（雖新的有些好聽），但卻不喜歡那些舊歌手還要扮青春，講句唔好聽一時失閃就真係大吉利是，尤其是嗰啲已有大把世界，仲要出風頭，如果衰咗…
回覆刪除因為我看過好多老牌歌星唱歌，歌藝好多已不復當年，而且還要強笑迎人，唔通咁就叫做識撈？
我諗唔係叫做識撈，是有機會揾得幾多得幾多掛！？
刪除好似多年前靜婷、吳鶯音........四大歌后加埋成300歲重上舞台獻唱，一樣受歡迎！
也無他，很多老歌迷掛念他們，有生之年可以再聚聚見多一次面姐！
哈哈！Stella, 你咁體諒佢哋，呢啲咪係識撈嘅典範咯，好，我一於破除成見，走去聚聚也好…嘻嘻！
刪除Stella 姐，Shu兄，我想佢地一來趁機會揾到幾多得幾多，二來又可以娛己娛人，若果客串一下，唱番三幾首成名歌名曲都冇乜所謂，若果開演唱會體力不足，加上年齡老大，動作遅緩，歌詞又唔記得，這様會令捧場客大失所望。
刪除在今日呢個時勢歌手並唔好做。首先、本地樂壇人才凋零、早已變得一灘死水。雖然內地市場旺勢強勁、但人家唔實力亦同樣強勁、唔係個個係張學友咁、有能力大殺四方架！因此東南亞和歐美等地已成歌手嘅當然選擇矣！
回覆刪除域 sir,對的,依家香港樂壇真係人才凋零,來來去去都是個幾位,冇乜閃亮新星出现,最慘填詞作曲人亦冇,班友為咗生存轉戰東南亜和欧美等地理所當然.
刪除