 |
| 呢間日本餐前身叫木村館 |
回家後晚上打電話比我朋友,我朋友之前打過二次電話比我,話我的手機未能接通,屋企又冇人聽,可能我去咗香港,原來佢老闆冇錢交租,比業主封咗舖,仲欠下伙記的工資,著草走佬.呢位老闆和他的太太同我朋友以前在唐人街一間日本餐廳做日餐廚師,而他的太太是做女待應,大約15年前,在他們做工的唐人街隔十幾間舖位的一間港式麵店快要執笠,到處叫人頂來做,大平賣,他冷手執個熱煎堆,賤價頂回來,就是第一幅圖片的店,改咗個日本名叫"木村館",又整咗個中文招牌叫"記得吃".
佢的舊老闆真係多得佢唔少,識咗港女同事結埋婚,開檔一齊走仲還叫埋我朋友去,店又相隔不遠,賣的都是差不多材料和做法的 gyoza, yakitori,生牛肉,豬扒,便當,啱鬼佬口味,開張後不久我去捧下場,朋友介紹認識咗佢,他是從廣東來的老表,都算叻仔,當時佢好客氣同我好多嘢傾.富貴迫人來,夫妻同心生意非常好,朋友說差不多每天都客滿,揾到第一桶金後,搬咗去豪宅區,又開平冶,又買地皮,我再去時他只同我傾二句,自此以後我都冇再去幫襯,朋友同我講佢發財冇立品,染上賭癮,輸到週身債,離婚後老婆帶咗個仔返香港,佢今年50多快60歲,時不與我,睇怕都冇セ機會番身咯.
呢啲人我都見得多，我通常會這樣講：
回覆刪除越早富貴，就越易閉翳！
因為佢地以為自己真係好叻。
Shu 兄，香港上個月有個少年廚神自殺，咪因為輸到走投無路，唔理老嫩叻蠢，只要沉迷賭博就冇得救。
刪除七十年代中我有位街坊伯伯做跌打老醫師，中咗一次六合彩和贏咗一場賽馬，就買咗第一期太古城一個單位，果年佢仲畀咗100利是我添！
回覆刪除79年我先生的工友贏咗一場賽馬有十多萬元，就邀請我們陪佢回龍岡娶老婆起屋，因為一個人唔夠膽自己返。
幾十年啦！係見過兩單富貴！
幾十年啦！見輸錢嘅就唔少！
Stella 姐，你呢二個例子可能是佢地收咗手，或者適可而止，若果冇收手或控制唔到，羸幾多都冇用，古語有云，長賭神仙輸。
刪除俗語說：「輸錢皆因贏錢起」，若不及時收手，往往傾家蕩產，家散人亡。
回覆刪除謝謝各位的真實故事。
阿姨，賭字害人不淺，我香港有二位朋友輸到家破，自己又不能做些甚麼，真係可悲。
回覆刪除Wai 兄、如果染上賭癮嘅話、無倫有幾本事都無用、到頭來一家輪到一無所有。這種事在下實在見過不少。
回覆刪除域Sir，絕對同意，我在墨爾本見過幾個輸得好慘，雖然斬咗手指，但已經太遲，番身無望啦，我勸過好多人，包括埋網上炒牛熊的人，正如鐵達尼沉船一樣，冇可能救成船人，咪救得一個得一個咯。
刪除