 |
| 晚宴 |
 |
| 海龍皇羮 |
 |
| 薑汁大虾 |
 |
 |
| 嘉賓 Paris xu |
 |
司儀介紹他上臺唱的第一首歌是他的成名歌,悲秋風,因冇樂隊伴奏,只有用卡拉 OK 伴奏,他說自己是亞爺級,記憶不太好,所以唱每首歌之前要看貓紙,因卡拉 OK已編排好每首歌的次序,不能點唱,他邊行邊唱,行遍每張枱,握手影相,每圍枱都有利是封幾個,我都封咗一封小利是比佢,山長水遠的來才得200人聽,賺得幾多呢?
呢個晚宴的攪手就是呢個婚宴場的老闆,我老婆打電話問何處購票,他問要多少張?我老婆話要三張,門票當晚就送到寒舍.冇法啦生意好難做,仲有尋晚佢同我講,呂良偉十月來,要不要買票支持?吓呂良偉識唱歌嗎?
以前喺墨爾本聽過一場百變梅艷芳演唱會，89年坐樓上都要50澳幣，乜都冇得食.....
回覆刪除而你今餐菜式雖然嘛嘛，一張票加封利士，我諗以偉兄出手都唔會太低罷！
Shu 兄，晚宴每位約一百元，小利是一封，聊表心意咯。
刪除陳浩德的歌好聽呀 ! 這裡的 Atv 久不久都有播他和呂珊、方伊琪等的小型演唱會。覺得他做咗阿爺，比較以前的長毛飛模樣好看。呂珊也是後來比前的樣子好。他們的歌藝都很好，比較成熟。
回覆刪除自從梅艷芳去世，呂珊就出來亮相多了。
亞姨，他的名字我冇聴過，不過悲秋風就有聽過，原來是他唱的，至於你說的呂珊我亦冇聽過，不是你現在說，我也不知道有呢位歌星。
刪除偉兄，難怪你沒有聽過他的名字，因為他曾經停唱了很久很久，若不是好幾位當紅的歌星離世，上文所述的二線歌手很難再有機會抬頭。陳浩德的 “悲秋風”和 “全香港靚女多” 當年真是紅爆 !
刪除**
呂珊和梅艷芳同期出道，同是自小唱歌找生活的小歌手，呂珊沒有梅的光茫和成就，只能退居於幕後。
因為大歌星的殞落，行內自然請他們出山，以慰解我們一眾的舊歌迷。
阿姨，香港好多歌星的名我都冇聴過，因冇乜留心，只聽過張圓圓即張德蘭的演唱，當時佢年紀好細，我只去過紅磡體育館的演唱會一次，N年前亦在紅磡一間戲院睇過台灣歌星青山，淚盈歌后姚蘇蓉，的登台演唱。
刪除利是這個風氣是國內人帶起，都好嘅！實實際際，好過送花唔環保！
回覆刪除套餐六款就好了！香港每圍酒席太多菜餚，容易做成浪費！
Stella 姐，原來大6 老表帶起，這樣最好，環保又實際，比不比也冇所謂，菜的份量很少，我是夠，因為我食不多，若果大吃的人就不夠。
刪除我們呢圍只有我一人比利是，佢握住我的手好耐冇放，我老婆問我為甚麼不要和他影相？
Wai 兄、德哥出道時好撞唔撞、偏偏撞啱阿 Sam 轉唱中文歌、而且佢嘅香港式民歌仲唱到連風葉國某電台都問我攞佢嘅唱帶、咁你話德哥仲邊有運行？近年佢專門走埠登台搵真銀、總算好頭好尾架喇！我估佢今次到袋鼠國除了開歌迷會、若非探親順道見見歌迷、就係可能會在酒店或其它娛樂場所登台囉！不過我都係靠估架咋！
回覆刪除域Sir，他自己說在墨爾本只辦一埸歌迷敘會，然後到雪梨辦一埸，跟著返香港，希望明年有機會再來，其它娛樂場所又點會揾佢登台呢，佢今年64歲多仲邊有號召力？
刪除過氣歌星確係冇咩號召力架喇！之但係由於近年香江歌壇不成氣候、所以德哥呢幾年都有跟一班老牌歌手開懷舊演唱會、總算賺翻啲掌聲囉！
刪除域Sir，對的，香港呢幾年歌壇冇乜巨星出現，來來去去都係個幾條友，係人聼得多都厭倦，所以呢班老牌歌手又有番市場。
刪除