佔中

今次返香港玩幾天,見証咗一場政冶運動,呢個運動原本叫佔領中環,學花旗佬的佔領華爾街,簡稱佔中,不過唔知點解又佔埋銅鑼灣,旺角等地?班友仲想玩大些,揮軍北上元朗插旗,計劃佔完元朗後跟著上水,粉嶺等地,遍地開花作為政治本錢,可惜在元朗遇到商戸和市民抵抗,無法插旗,無功而退,我在 facebook看到恭賀元朗成為第一個反被佔領的地方.

我本身無政冶黨派背境,亦無立場,不過遇到好多不方便,好似從馬交回來的那天早上,所有從港澳碼頭開出的巴士全部取消,無法搭巴士經红隧過海轉搭大埔巴士,而地鐵入口亦局部關閉,因我約好朋友在大埔飲茶,焗住搭的士經西隧過海到大埔,連50元隧道费差不多300元.兩公婆搭巴士30多元,可慳番不少.

在旺角購物亦諸多不便,好多商店因佔中的示威者和反佔中者打架,要提早拉閘關門,小女想買些韓國仔的货物,亦無法買到,其實班友阻住好多商戸做生意,對旅遊購物人仕帶來不便,而且又嘈吵,對住在附近的居民亦引起不滿,如此攪法,未見其利,先見其害.

飲茶

 

 



龍悦酒樓位於沙田沙角村商場內,因我呢位朋友住在沙角村,他說呢間酒樓剛開咗幾個月,他約我和我老妻去試下,早上九時去到,似乎不太多人,因我朋友剛收工,他叫我先搵位,酒樓門口冇登記等位的櫃檯,一位侍應同我說,你自己去搵位,有位就坐可以搭檯,看見檯布似乎不太乾淨,我問一位女侍應,亜姐可不可以換檯布?她說都唔係好污糟唔使換啦.咁都算係唔污糟,埋單是我自已拿單行去門口的櫃檯,三位茶錢連六碟點心,盛惠95元,咁平仲有乜要求?

呢位朋友每次返香港都有和他見面飲茶,轉眼原來相識了30多年,他是我在多明尼加旅行時認識的幾位朋友中的一位,後生時我和他去過好多地方旅行,第一次到北京就是和他去的,他回流香港也有30多年,他在多明尼加住過幾年,做的是鐘錶修理,自從電子錶風行後,上鏈手錶已經買少見少,壞咗亦冇乜人拿去修理,回流香港後找不到鐘錶修理的工作,加上冇專業技能,只能做"食Q"維生,依家份工是在沙田第一城,一星期六天工作,由晚上九時做到第二朝早上九時,每月人工才得一萬一千元,隨咗過年有些住客比利是他之外,根本冇其它收入,他的老婆亦是做散工,一家四口只能算勉強過活.

洋蘭




呢盆蘭花和旁邊的叧外一盆粒粒好似珠鏈的都是我繁植,準備拿去送比我同事

好耐冇講園藝種植,今日同大家講下洋蘭,我種咗幾盆洋蘭,種咗好多年,唔使點打理,幾個月施一次肥就可以,算是粗生,好容易繁植,如我以上的相片,成盆倒出來,分為幾盆,兩至三個星期淋一次水,第一幅相片的洋蘭我繁植咗十幾廾盆,多是送比朋友和同事,我唔知叫乜名,但開的花算幾靚,最特别是一朵花就好香好香,好遠都聞到香味,同中國的一句話一樣,室雅何須大,花香不在多,而且花期相當長,兩個多至三個月.

跳蚤市場

跳蚤市場入口

呢位北京仔開檔修理智能手机己經三年多,因去年小女的 iphone 手机玻璃摔破,拿给他修理時,交談下知道他來自北京

用啤酒鋁罐製做

空威士忌酒樽也賣25元

各種礦石每舊五元

紫水晶

花草盆栽

黑膠唱片,每張一元

呢個跳蚤市場離我家不太遠,開車15分鐘左右,逢星期六日開門,入場門票一元,以前星期六是不收門票,可能因為遊人眾多,幾年前開始收,佔地14 hectares 即是14萬平方米,泊車位約1000個,已經有五十多年歷史,星期天我得閒時,間中都會去行下,可消磨半天,不過因為人多車多搵位泊車麻煩,好耐冇去,上個星期天心血來潮去行下,場內有十多個飲食攤檔,更有越南牛肉粉麵,東西品種極多,主要是賣二手物品,亦有廉價衣服,鞋,五金工具,小型電器用品,新舊傢俬雜物,家庭用品,花草盆裁,果樹等等,有些物品更可討價還價.

http://market.com.au/about-us.html



家常便飯

大閘蟹

走地雞

冬菇蒸肉餅

黑糖梅酒



蜂蜜梅酒

朋友送的是他以前去日本公幹時買的,已有多年,帶回來後我唔捨得飲,等他們來時才飲,

想起網友 Stella 姐去年介绍灣仔的家常便飯,今次介绍朋友請我們到他家吃的一餐家常便飯,他說買了半蘿大閘蟹,同埋一隻走地雞,煲咗红籮白湯,年年都去他家吃一餐便飯,有時二餐,真係唔知講乜?只能再次講多謝,今次又食又拎,佢仲送咗一枝香港冇得賣的梅酒給我帶回來,梅酒酒精度同啤酒差不多,不過因為甜,容昜入口,會愈飲愈多,用來伴作大閘蟹飲的酒,相當不錯,個晚傾下食下開咗2枝.


今年的大閘蟹比去年的平好多,因為吃的人少咗,一來怕太湖污染,二來大6打貪,冇乜人敢買大量靚蟹送比貪官,而且假蟹又多,雖然話整咗防偽標籤,我想作用不大,大6乜都有假連鈔票都假,就憑區區一個防偽標籤?所以買都係要去一些信用較好的店買,若果價錢相差太遠就千祈唔好買.依家有好多欧洲大閘蟹賣,50/60元一隻,不過我未吃過,不知味道如何?我始终覺得洋澄紅毛金爪大閘蟹為蟹中極品,不是洋澄湖蟹好,此生何必住蘇州.

北京遊

紫禁城亦即故宮博物院的 正門入口

人頭湧湧



以前皇帝坐的龍椅

毛主席的墨寶 不登長城非好漢

居庸關

北京我前後去過三次,第一次去大約32年前,當年遊故宮門票才幾毛錢人民幣,依家門票要60元人仔,加上近10月黃金週到處都是人,又不準進入保和,太和,中和的大殿內拍照,以前可以進入大殿內任拍皇帝坐的龍椅,依家只能站在大殿門外遠拍,保安又嚴密,入院前所有背包都要經過X光机檢查和搜身.

以前我去的是八達嶺長城,今次去的是居庸關,真係發夢都估唔到會咁巧合在長城碰到我墨爾本的一位朋友,他年多前請過我一家人到他家吃過一次晚飯,當日還送咗個一個好大的冬瓜给我,他們一家四口坐東方航空經廣州到北京,而我們坐國泰經香港到北京,呢個世界真係细咯,有緣千里能相會,無緣再世不相逢.