 |
| 大閘蟹 |
 |
| 走地雞 |
 |
| 冬菇蒸肉餅 |
 |
| 黑糖梅酒 |
 |
| 蜂蜜梅酒 |
 |
| 朋友送的是他以前去日本公幹時買的,已有多年,帶回來後我唔捨得飲,等他們來時才飲, |
想起網友 Stella 姐去年介绍灣仔的家常便飯,今次介绍朋友請我們到他家吃的一餐家常便飯,他說買了半蘿大閘蟹,同埋一隻走地雞,煲咗红籮白湯,年年都去他家吃一餐便飯,有時二餐,真係唔知講乜?只能再次講多謝,今次又食又拎,佢仲送咗一枝香港冇得賣的梅酒給我帶回來,梅酒酒精度同啤酒差不多,不過因為甜,容昜入口,會愈飲愈多,用來伴作大閘蟹飲的酒,相當不錯,個晚傾下食下開咗2枝.
今年的大閘蟹比去年的平好多,因為吃的人少咗,一來怕太湖污染,二來大6打貪,冇乜人敢買大量靚蟹送比貪官,而且假蟹又多,雖然話整咗防偽標籤,我想作用不大,大6乜都有假連鈔票都假,就憑區區一個防偽標籤?所以買都係要去一些信用較好的店買,若果價錢相差太遠就千祈唔好買.依家有好多欧洲大閘蟹賣,50/60元一隻,不過我未吃過,不知味道如何?我始终覺得洋澄紅毛金爪大閘蟹為蟹中極品,不是洋澄湖蟹好,此生何必住蘇州.
Wai 兄、其實當大閘蟹一入口嘅時候就知到是否洋澄湖出產嘅、因為洋澄湖大閘蟹嘅味道是獨一無二的。問題不是洋澄湖是否也受污染、而係有冇人用黑心治料去催谷大閘蟹而矣！
回覆刪除域Sir，對的以前是一入口就可以分辯出是否產自洋澄湖，不過近年全都是人工養殖，真正洋澄湖的大閘蟹味道和長江流域所出產的都差不多。
刪除無法啦、人們要搵快錢、那大家就只好張就一下好了！
刪除域 sir,冇法啦,自然生產不多,只好人工養殖.
刪除大閘蟹亦有人不喜歡吃,因為味道不同,小兒小女就不喜歡吃大閘蟹,佢地鍾意清蒸奄仔.我就鍾意大閘蟹.
呢餐家常便飯真係美味和温情，俾錢都買唔到！
回覆刪除Stella 姐，係架，味道確實不同，呢個世界上還有很多嘢是金錢買不到的。
刪除有些不是錢的問題，好似我呢度有兩位印度朋友成日叫我們去他們家吃飯，雖然簡單便飯，但吃到我自己都感覺唔好意思。
偉兄人緣真好！久不久都吃到溫馨的友愛餐。日本 Choya 梅酒早幾年在香港宣傳得很行時，原來現在香港沒有得賣了。前幾年在韓國產品展銷場買了一枝韓國清酒，只用來敬神與祖先，沒有飲過，好像有點兒浪費。
回覆刪除阿姨，人結人緣，我交朋結友從不高視任何人，也不低看任何人，最緊要真誠待人，千萬不要揾人着數。
回覆刪除我都好少飲日本仔的酒，包括啤酒，清酒，不過我朋友喜歡，次次都是飲梅酒。