 |
| 同場加演拉丁舞表演,呢兩位是澳洲少年組冠軍 |
今次是李龍基第二次來墨爾本演唱,有30檯每檯10至12人,大約300人左右,他對上的一次是兩年多前,他說好多謝墨爾本的華人朋友熱情捧場,次次滿座,顺便擦下鞋,大讚墨爾本是一個好地方,藍天白雲,空氣清新,政治穩定,食物又唔怕假,更唔使怕坑渠油,而且他同墨爾本亦有些少淵源,因他的女兒以前在墨爾本讀過書.
呢個晚宴演唱會的場地離我家好遠,約50多公里開車要45至50分鐘,一來一回個多小時,我同老妻真係好遠去捧場,据網上介绍他今年67歲,唱到有些歌詞都忘記,他說以前在酒廊唱歌,後來加入電視臺做藝人,唱過一些武俠劇的主題曲,如天蠶變,呢套電視劇我特别有印像,因為拍到一半主角徐少強扭計加人工,玩失蹤成為新聞,嘉賓有大 L和十一哥,不過我都唔識呢兩位仁兄.
佢講依家香港好亂,學生哥唔上學去攪政治佔中,浪廢不少上堂時間,得閒不如學下佢唱歌.想起唱歌,以前台灣有一位才子叫趙寧,狂追林青霞成為新聞,出過幾本書,其中有一首詩講學生讀書辛苦又難搵食 ''黃卷孤燈年復年,寒唱廾載問乏賢,改行唱歌學周璇,一曲成名賺大錢''冇錯做歌星成名容昜搵大錢,最佳例子就是歌星謝廷烽,尋日入股隻股仔復牌後最高爆升成倍幾,點石成金,可惜高價搶貨又做蟹,廷烽的歌我冇聽過,只聽過他很多的花邊新聞.
睇啲菜式真係好普通，唔知係間酒樓定係李龍基掠水。
回覆刪除咁你覺得點呢？要五十公里車程你真的好俾面！
Shu 兄, 好嘢對食物真係有研究,我睇見都唔多想食,因每次呢類演唱會的場地都是攪手租的,場地根本不是比人主辦飲食的酒樓,是會議廳,所有的廚房都是鬼佬西式,冇乜設備,攪手搵包辦筵席上門到會廚房,大多數的食物都是預先做好,再加熱,工序最緊要簡單快捷,所有侍應都是學生哥,學生妹,有就叫他們做一晚臨時散工 .
刪除墨爾本咁大五十公里車程也不算太遠,因我老妻和她的朋友們喜歡睇,若果比我揀,我就唔去.
Wai 兄、李龍基年青時確有酒廊王子之稱、那位十一哥我就連聽都未聽過、不過大L年青是係唱西曲嘅、佢隊Band個名叫做Jade。
回覆刪除域 Sir,係呀李龍基當晚仲有講哥哥張國榮初出道時同過佢一齊在酒廊唱過歌,佢仲唱一首張國榮的歌紀念他. 大 L 的樂隊叫 Jade我都冇聽過,歌星最慘半红不黑,錢又搵唔多,睇他們表面風光,其實內裡也不是怎樣富貴,過兩個月尹光又來啦.
刪除Wai 兄、你講得對。好係 Joe Junior 咁、佢後生時紅過阿 Sam 架、不過時移勢逆、好多嘢都會變嘅。講起嚟張國榮在這班人之中只是後輩、頭幾年佢都係挨挨吓、但當樂壇吹起日本風之後、佢就紅到不得了。
刪除域 Sir,雖然張國榮好红,但我都冇乜聽過他的歌今次李龍基唱他個首叫沉默是金,李龍基唱完叫大家拍手掌.[
刪除其實我覺謝霆鋒出色不在歌藝，而是在演藝，他和父親謝賢大不同是，霆鋒在螢幕上硬橋硬馬博哂命，用汗水賺錢。謝賢的花花公子談情演譯有天淵之別！
回覆刪除Stella 姐,霆鋒拍過電影?我都冇睇過,我都好少睇粵語電影,和聽他們的歌,睇網上報紙更不睇娛樂版,只不過電台财經節目講他入股一隻股仔,佢梗係叻過佢老豆好多,佢老豆生性風流,樣樣嗜好都有,聽人說佢父債子還.
刪除