 |
 |
 |
大閘蟹堆積如山的相片,是我香港一位朋友的公司請客時他拍下, 公司成百人都幾乎食唔哂,他whats app 比我睇,我睇完就放上 facebook, 剛好網友 Shu 兄在蟹山的照片留言講 ''滬港剛通.....好大諷刺呀''!
原來他遠在新西蘭也有留心港股,Shu 兄可能同我一位靠炒股而家财千萬的朋友一樣,真人不露相,他在香港有兩個地舖收租,他從來不同我講股票,或者我在他眼中唔夠班,又或者怕我賺得多過佢,他最近呢幾年每年都和他老婆來澳洲避年,他whats app 我,話買好了二月十五日的機票,叫我如果得閒就去接機.滬港通由今個星期一開通到今日星期四為止,跌足四日,共跌1040點,星期一早上開通時,高開二百幾點,煙花盛放,怕吃虧賺少,走去高追的股民差不多全部做蟹,中咗德國股神Andre Kostolany 名言,叻人買於股價粛條,賣於煙花盛放.
我以前多次叫人唔好炒牛熊,因為有回收機制極唔公平,可是曾經有師奶盲毛話我唔識炒股,唔識炒牛熊,只識種花,連牛熊咁安全簡單都唔識,睇我留言就知我投資水平有限喎,所以我係呢度都極少講炒股炒牛熊,以免失禮於人,不過今日講開牛熊,所以又講一下,上面兩張即時報價的照片就是今年八月頭做出的差不多全年高位,一口氣 K O咗一大堆熊仔,我連相都影唔切,當時槓桿比率全部百幾倍,牛熊証買收回價遠冇敏感度,買得近瓜得,仲有好多時無良庒家又唔開價,只有眼光光等,瞬間失去賺錢的黃金機會後才開價.
偉兄，你太抬舉我啦，我是不懂得炒股，而且我也不讚成別人炒股，但是當保身家值又另計，我意思是買穩當的實力藍籌當儲蓄。
回覆刪除而偉兄當是不凡的，如果我身在墨爾本，我一定會來請教你，起碼能跟你學懂得多些。我有個朋友數年前從這邊移民過了墨爾本，他除了辛勤做自己的快餐店外，有一部份身家也是靠炒港股（但他不是香港人），和靠炒物業，五十歲不到便在家做寓公，在家看看股價…他也如你說一樣，從不向別人透露心得，嘻嘻，這是否「靜靜地起革命」的另一意思！
Shu 兄,我都好少短炒,只不過偶爾短炒,傾向長缐,我成日記住中原地產施老闆的一番話,''以為炒幾炒就會發逹,咪咁天真啦''.
刪除我睇到一些财經博客講賺幾多,不過佢地從冇 post 証据比人睇,所以無法查証,但据我觀察網上财經博客十個有八個都係吹水,教人如何踏上财務自由之.路,買賣頻密日日炒出炒入會踏上财務自由? 正如基金經理黃國英講,攪财經住板間房的大有人在.我朋友成日話我,理人咁多做乜?,佢地係得都發咗,住豪宅,去旅遊嘆世界,享受红酒美食,仲邊度得閒年頭寫到年尾.
股市高手.
回覆刪除Peter 兄, 高乜手呢?只有你才講我是高手,股海浮沉廾多卅載,托賴未遭滅頂,好彩每年仲有些少利潤拿來去旅行吃喝玩樂,不過每見到有些人操作錯誤,就好難忍住唔出聲,初哥仲學人炒牛熊,借孖展,期指,期權,想唔瓜都唔得,盲目人云亦云跟人亂炒,想唔死都難.
刪除Wai 兄、在下眼見好多短炒股民想搵快錢都是跟風的、所以每當翻風落雨嘅時候、吱濕身嘅大多是這種股民。財經知識呢家嘢、係須要時間漫漫浸出來嘅。可惜明者不色而矣！
回覆刪除域Sir，其實想在股市贃大錢而致富談何容易，只不過好多人未見過滔天大浪，以為炒幾炒就會發，最後咪又比股市淘汰。
刪除