人踩人慘劇

2010年上海世博澳洲館

睇到上海元旦夜倒數,發生人踩人慘劇的新聞,內心非常不安,死亡人數高逹36人,傷幾十人,同香港上次元旦倒數夜死20幾人的慘劇翻版,如此大型集會現場指揮,保安,交通,醫療,人流控制,完全睇唔到有任何措施,墨爾本咪一樣幾十萬人除夕睇煙花,政府一早安排好交通,免费穿梳巴士電車到早上六時,所有主要道路全封閉,分散人流,我見每條街都有警車和警察站崗,又有救傷車.

講起上海又使我想起一些往事,前後去過兩次,第一次是剛開放時,第二次是四年多前上海世博四天自由行,套票在中旅社買的,只包世博入場門票,酒店和免費早餐,酒店名字一時想唔起,羶羶都是羊肉,算叫做五星級啦,最記得當日早上吃自助早餐時,我老妻想去洗手間,問個位女待應,請問 toilet 在那裡?但她聽不懂英文,我老妻就說洗手間在那裡?她又聽不明白我老妻的廣東話,我老妻做動作兩隻手好似洗手,她都是不明白,老妻回到我坐位跟我說,點知個位女待應拿來一小盆水,同香港食大閘蟹時的洗手水盆一樣,我同女待應說她想去廁所,她明白了帶我老妻去,每次我想起都覺得自己的普通話不錯,厕所二個字發音標準,個個老表都聽得明白.


在世博排隊等進入沙地阿拉伯館,要排成四粒幾鐘,可能是我呢生人排得最耐的一次,排隊時見到幾次炒架,仲有幾次打交,拳來腳往大打出手時,見唔到有公安出來維持秩叫停,唉老表質素真差,排隊時好多人打尖,而且好多人又唔守秩序,國民真係要好好教育.