新西蘭我前後去過三次,第一次是自己一個人去,第二次和老妻自駕遊,另外一次帶同小兒去,小兒約十個月大,我想網友Shu 兄一看照片就知道這是新西蘭甚麼地方,我以前一直以為這裡是個湖,後來 Shu 兄講比我知是海,因為新西蘭素以湖光山色吸引遊人,使我有個錯覺以為是湖,呢次一家三口去新西蘭幾天,住在我朋友家,又可慳番一些酒店錢.
朋友好似90初年由香港移民新西蘭,佢話想起64就怕怕,佢老兄在香港一間美資化工公司做高級 sales,行行企企月入幾皮,佢老婆亦是專業人仕,夫妻在香港算是非常高收入人仕,又無兒無女,本來可以剩好多錢,但他不聽我的忠告,一意孤行,硬要移民出外闖,想創出一番新天地,可嘆夫妻二人在新西蘭都找不到理想的工作,只能打臨時時薪散工.
當初佢老哥計畫開一間小型化工廠,可惜搵來搵去都搵不到廠房,更不要說牌照,新西蘭環保條例極嚴格,政府又廉潔,不同其它落後國家,财可通神,用錢銀可攪掂,你鍾意間廠開係邊就開係邊,你鍾意將廢料倒去邊就倒去邊.時光流逝,心灰意冷豪情壯志盡付煙雲,兜兜轉轉浪費幾年光陰和半生積蓄後回流香港,又搵唔番以前份筍工,最陰公移民前平價賣樓,回流後又嫌貴,只租不買,話等樓價跌才買,不過等到頸都長哂,樓價不止還未見跌更狂升,前年我返香港玩時,曾去過他在西環租住的一層樓睇下,實用面積大約四百多呎二房一廳,月租盛惠一萬三千多元,我都唔知貴定唔平?
在旅行時識到一位女團友，她在泰國時教小女游蛙泳。並在分手時約定後會。後來她在家居的荃灣區約見我，她說得最多的話是：「移民後回流，買唔番層樓自住。誰叫我們自己總是羊群心態！」移民回流，就像上屋搬下屋，唔見一籮縠。
回覆刪除阿姨,其實香港是一個好地方,冬無嚴寒,夏無皓熱,交通方使,美食又多,移民要下好大決心,未考慮清楚人移民自己又移民,搵唔到食又回流,咪浪費時間.
刪除I was been in New Zealand before,it looks like Wellington.
回覆刪除yes, u are right.
刪除Wai 兄、今日香港多咗班老表炒家落力咁炒、樓價與租金點睇都係貴架喇！在下也有幾個回流朋在對住我牙痛咁聲、可惜我幫唔到佢哋囉！
回覆刪除域 Sir,今日聽新聞講,若果港島缐,堅尼地城通埋車,西環屋租要貴二成幾,呢位老兄又要準備搬屋啦.
刪除人的濟遇真係好難講，我祝福他將會好運，順風順境！
回覆刪除Stella 姐,一念天堂,一念地獄,佢唔同我呢個老粗捱得,有些移民的工種來到澳紐好難謀生,化工也是,教師亦是,又不獲承認,要從新考試,考到教師又不容易找到工作,呢度最舒服的工作之一,一年四節,每節完又休息二個星期,十二月暑假更休一個月,公眾假期又多.叫佢學我以前騎牛搵馬,捱住做司機,亦唔得,佢手車又慢,又認唔到路,紐西蘭的公路算好走,但肯定我送完貨佢還未搵到地點,澳紐時薪計,叫老细如何請佢?
刪除帶錢移民他鄉,冇正式工做就好似家有二千,每日二錢,全無生計,食得幾年?