 |
| 越式蝦仁沙律菜 |
 |
| 酸湯魚,湯底加呢些菜25元,魚是時價和大小另外計算,我揀一條盲曹要加50元 |
 |
| 越式蓋魚即香港人叫炆魚 |
 |
| 椒鹽軟殼蟹 |
 |
| 饟豆腐 |
 |
尋晚帶我老媽去吃越式晚餐,其實我老媽唔鍾意出街吃飯,不過我老妻,仔女就相反,最鍾意出街吃飯,因為唔使煮又唔使洗碗,餐廳的食物好吃最大原因,就是有鑊氣和加上味精.呢間中越式餐廳叫"光榮"名字都唔知好聽或唔好聽,離我家不遠,車程十分鐘左右,十幾年前是一間纯中式餐廳叫"富貴樓"轉過好多次手,可惜都是執笠收場,直到前幾年轉手比一位越南女仕,生意就做起,地方加大好多,因頂埋旁邊和後面的店舖,週末更要排隊等位.
呢間"光榮"餐廳的一位越南華僑大佬廚師我認識,不過冇乜交往,見面只有點頭,他的名字叫亜日,因身材肥胖,行家都叫他做肥佬日,而我就叫他做日哥,他十幾年前在另外一個區的一間中越餐廳當廚師,而呢間算是我們飯堂,我和老妻一個星期光顧有四至五次,吃到待應個位亜姐都好熟,過年時都比利是我仔女,他好多時候站在門外抽煙,見得多就點頭打下招呼,有次他跟我說做埋呢個月唔撈啦,我問點解?佢話自己開檔,比佐個地址給我,叫我得閒去捧場,開張幾日後剛好我有朋友從香港來,就帶他們去吃,朋友都說唔錯,他開的店就是在依家靠近"光榮"的另外一條街,唔知點解?手藝和廚功好都冇用,就係冇生意,唔夠一年就摺埋,而他就轉到"光榮"一直做到今天.
澳洲有許多越南人…不知偉兄有否聽過，此中之越南人有部份是由新西蘭轉移過去的？
回覆刪除因此在澳洲有越南街，而越南菜也是聞名遐邇，和美國那邊的越菜也有得「揮」啊！
Shu 兄,對呀,有好多廚師是新西蘭移過來的,移民局去年公佈有67萬新西蘭人住在澳洲.
刪除墨爾本的越南餐和意大利餐都可說數一數二.
我至like越南菜，
回覆刪除澳洲當年收好多難民，
由blog友處知道好正宗，
又平又好味，
香港細間平民食肆無得做，
真喺租金食哂！
我至like越南菜，
回覆刪除澳洲當年收好多難民，
由blog友處知道好正宗，
又平又好味，
香港細間平民食肆無得做，
真喺租金食哂！
路霸兄,香港都冇乜越南餐,以前我在香港時,多是去佐敦道文英樓附近的一間小店,庶蝦,米紙春捲好正,不過好耐冇去,都唔知執佐未?
刪除上一代的女性多節儉，也喜歡在家吃飯的温馨感覺。這是上一代的女性對家人的愛表現！
回覆刪除Stella 姐,我老媽可能節儉慣,唔鍾意出街食飯,我們返香港時,我老妻小兒小女一聽到佢話買佐菜煲佐湯就扁哂咀.
刪除很難得的家庭愛心飯餸，我母親已往樂土，我有時都懷念她的愛心飯餸。
刪除Stella 姐，對呀，愛心飯餸特別美味，世上只有媽媽好。
刪除Wai 兄、呢餐越南菜淨睇賣相就夠晒靚啦！有時唔到你唔信、有些天生出來係利打工多過做老闆。
回覆刪除域Sir, 對的，我朋友臺灣仔就是一個人辦，做乜生意都執笠失敗收場，也許是命運安排。
刪除