韓國我都去過好多次,第一次去最少也是30年前,當時還有 curfew ,第二次也是20多年前,最記得是去華克山莊的賭場要買入場門票,當時韓國人完全唔準進入,外國人每位要付好似2000或2500韓圜,門票可以當籌碼投注,嬴佐賭埸就收回門票,比個現金籌碼給你,當晚是我一生人第一次親眼見到一靴百家樂牌連開四十多口莊,連一鋪閒都冇開,只有幾舖和,見到有人坳頸唔信邪,仲鬥氣買閒,又見到好多人怕,唔敢去買莊,不過我唔賭,若果我賭一定跟買莊,買到長莊開穿為止.今次跟的團亦有帶團友去賭場,呢間賭場位於市區,叫 seven luck ,未進場前每人派幾千韓圜泥碼.
好多網友都感到奇怪,為甚麼我有這麼多的錢去旅行?可以講比大家知,大部份都是在香港股市賺來的,因香港股市未成熟投資者多,想搵快錢者多,盲毛更多,盲毛仲話我虚言浮誇遊歷過幾十個國家,大概是厕所,唉連我講的野真假都分不清,只盲目擦鞋盡信博主,日日炒出炒入,組合中個股賺些少就沽,蝕本就持有,組合變成劣股驅逐良股,若果班盲毛去炒期指期權,瓜得仲快,呢個多星期港股大升,我又賺夠我一家人去旅行的洗費,各位若想要在股市賺大錢,第一要有獨立思考,不要人云亦云,第二要有持貨的恆心和毅力,千淘萬瀝雖辛苦,寒沙吹盡始見金.
本來想一口氣寫哂我帶我仔女去過的十幾個國家,因為我母親和我外甥女下個星期來我這裡玩個多星期,我老媽今年81歲多,身體算壯健,佢上次來已是六年前,她信天主信了五十多年,去過二十幾個國家,以色列去過兩次,可惜我一次都未去過,以色列呢個地方我好想去.我要帶佢地去玩,吃喝購物,可能冇乜時間再寫,一停又冇靈感,又唔想寫.
去旅行除了興趣當然也要有銀，有銀唔係齋講就得，而係像偉兄咁要有心有力才可以，有句話～錢唔係擺係要嚟洗，如果唔洗又點有動力去搵！
回覆刪除Shu 兄，對的，有錢唔洗同冇錢有乜分別？可能以前體力好，去長途放行坐廾幾小時飛機都唔覺攰，不過依家體能差好多，坐返香港還可以，去太遠咪攪啦。
刪除好開心和諧的家庭，
回覆刪除仔女又乖，又可賺到錢，有閒錢風騷旅行多國，
我就要勞力努力……先可以下！
路霸兄，我後生時試過一年去三/四次，不過依家搵錢能差，體力又差，已經少去。
刪除咪講笑啦，你已經搵夠，仲努乜力？
咁和伯母家人玩得開心的！得閒再寫過。我朋友前年叫我買廣交所，我在股票已經唔見不少錢，已冇興趣，但我這位朋友拳拳誠意，我在115.7價位買了100股，收了2年息，去年佔中期間沽出，賺了$5700，很多謝她。早幾個月又買了騰訊100股，買位價唔靚$131.3。
回覆刪除Stella 姐，多謝，我老媽來過我這裡好多次，小兒小女出生時，她就過來來幇我。
刪除388/700是少數可長缐持有的港股，好多人日日炒出炒只求蠅頭小利，輸就短缐變長線，港股垃圾千股太多，又供又合唔輸都難。
Wai 兄、投資股票真係要講求知識和眼光、能夠獲利而一家去旅行散心就更加係樂事。冇得頂啦！
回覆刪除域 Sir,我只不過是小兒科濕濕碎,我有一位朋友在股市執成千萬,才是冇得顶.
刪除賭場始終
回覆刪除小注怡情無壓力