 |
| 開枝紅酒,收藏佐11年 |
 |
| 生蠔每打14元 |
 |
| 一公斤羊架21元大約有14片,這是我煎的 rosemerry在花園摘. |
 |
| 一公斤燒肉 20元 |
 |
| 小弟炒的西蘭花,蒜頭一時忘記切碎 |
尋晚我老媽話唔好再出街吃飯啦,吃佐好多餐,叫我隨便炒兩個菜就算,我外甥女飲红酒,就揀佐呢枝,11年前大減價時我買佐一枝試飲,飲完覺得唔錯,就買佐十幾枝,飲下飲下快飲完,呢枝酒擺佐11年,入口好醇,有果香味,開瓶後又唔使透氣,因為有成十一年,所以有些少沉澱物留在瓶底.我外甥女好喜歡飲红酒,佢話好好飲,在香港幾乎每天晚飯要飲一杯,仲話要帶二枝返香港.
她說澳洲生蠔平過香港好多,香港每隻大約要30港元,羊架新鲜好味,平過香港好多,紅酒仲平靓正,可能我唔係好鍾意生蠔,羊架,也可能吃得多,冇乜感覺,不過我始終覺得香港的食物好吃,美食之都,食物種類煩多,而且烹調技巧高超有創意,唔同鬼佬,只識焗同炸.
偉兄，你呢支紅酒我飲過，入口算幾醇同有甜果香，至於生蠔亦算便宜，看樣子好似是Rock Oysters？而家乜都貴晒，呢啲石蠔我記得幾十年前係一蔴包一蔴包賣的！
回覆刪除再看偉兄煎的羊架同炒西蘭花，不是恭維真係好掂。
Shu 兄，呢枝飲過一點都唔出奇，間間酒行都有得賣，減價時十元八塊一枝都算抵飲。
刪除生蠔是塔斯曼尼亞來的，對的好耐以前是用麻包，廾多年前改用一打包裝，每打才不過三幾元，後來比表叔買貴哂。
唔係呀，真係多謝你稱讃，我見鬼佬大廚朋友煎就學他煎，只不過玩玩下。
哈哈哈！鬼佬,只識焗同炸.日本人愛吃生肉。
回覆刪除Stella 姐，鬼佬一向唔識食，蒸魚放檸檬或玉桂，破壞哂魚的鲜味，日本仔就一味擺得好睇。
回覆刪除Wai 兄、自己入廚煮一餐與家人同吃、亦是一樂也！
回覆刪除域Sir, 見鬼佬廚師做得多，咪學下咯，呢 d 都是簡單易做。
刪除來探你就有好嘢食喇! 好正啊! 謝謝分享! 復活節愉快!
回覆刪除Candy 姐，正乜呢，隨便整下。
刪除祝復活節愉快。
佳餚美食，唔怪之得你的外甥女要飲杯。羊架燒肉，好吸引。
回覆刪除偉兄都懂得煮兩味，你的家人有口福了！
亞姨，我邊度識煮兩味，只不過見鬼佬廚師做得多，咪學人整下咯，反正自己人吃，唔好味都唔怕。
刪除