 |
 |
| 清蒸肉蟹 |
 |
| 用李錦記叉燒醬燒排骨 |
 |
 |
| 朋友送的冬瓜加瘦肉煲湯 |
墨爾本最近有一間酒樓攪佐一個叫全蟹宴,用的是皇帝蟹 Tasmanian king crab 呢種巨蟹是澳洲特有,最少重量都有三公斤多,最重三十多公斤,全世界有巨蟹生產的地方,只有阿拉斯加和日本的北海道,呢兩個地方產的是長腳巨蟹,三年幾前有次返香港朋友請我們一家人到沙田帝都酒店中餐廳,吃過一餐用澳洲皇帝蟹做的蟹宴,個隻蟹重量都有五公斤多,因朋友認識中餐部的行政總廚,個餐真係好正,我在 yahoo舊博曾有貼文介绍,每次想起都非常回味,再次講聲多謝.
我們一家四口好鍾意食蟹,呢度有一種叫 mud crab的蟹身形都很巨大,若果大造時很便宜20多元一公斤,不是大做30多元,我間中都去街市買隻回家清蒸,我在 FB 講過,買蟹同炒股票一樣要信自己,自己去揀,不要信售貨員代揀,佢地會揀些慢爪或B級蟹比你,呢種蟹肉多味道鲜甜,小兒小女叫我用薑蔥焗加生麺底,呢兩位阿哥阿姐,對唔住啦,想如此吃法,只有去酒樓,你老豆我只識簡單清蒸,同鬼佬所說簡單就是最好, simple is the best.
偉兄，近這三兩年，我這邊也有游水的長腳King Crab，據稱是紐西蘭深水海域至有，但因價錢頗貴，酒樓價NZ$90/kg，所以尺寸大多都在2～3kg之間……
回覆刪除至於你說的澳洲超大隻的皇帝蟹，廿多年前香港也大行其道，而mud crab我第一次吃的是在菲濟，沒你說的大，不過也有成個kg重，啲肉都算唔錯！
Shu 兄，紐西蘭長腳 king crab 我未冇見過，90元一公斤似乎有些貴。
回覆刪除報章廣告的皇帝蟹宴每位125澳元，蟹膏做酸辣湯，其它拿來清蒸和椒鹽，仲有三個菜，我都冇去試，都唔知貴定平，一家四口去試要600元澳元。
菲濟我冇去過，第日有機會都要去行下，幾個月前大減價，自由行四日三夜機票連酒店的套餐幾百元。
Wai 兄、講到食蟹呢家嘢、香港人都算幾好彩架！除咗大閘蟹、肉蟹、糕蟹、同埋煮粥極品三點蟹之外、還有來自各地不同嘅巨型蟹、都可謂各有其味、話起都流口水喇！
回覆刪除域Sir,香港真係好多蟹食，最多人鍾意吃大閘蟹，我們多是九月十月返香港，大閘蟹最正。
回覆刪除Wai 兄、大閘蟹趁黃酒最正、到時不妨試試啦！
刪除域 Sir,我每年都有試大閘蟹.
刪除我和大女兒都很喜歡食蟹，清蒸或煮。羌蔥、生油、蒸魚鼓油是必不可少。
回覆刪除阿姨,蟹有好多食法,潮洲人打冷凍食,星架坡人用黑胡椒炒,泰國人用咖喱,香港亦有人用避風塘式炒蟹,不過我只鍾意清蒸.
刪除如果用那麼多的辛辣配料去炒蟹，是失去了鮮甜的味道了。煎大蝦帶殼炒，我才會用茄汁去會會。
刪除其實個人都不能吃辣，當看到別人吃辣吃得滿頭大汗，就覺得很有趣。
阿姨，對的，用太多辛辣配料炒蟹，搶去蟹的鮮味，好似坡佬的胡椒蟹，用冇咁新鮮生猛慢爪的，一般人都吃不出，隨咗好叻的食家才分得出，若果清蒸就不同，新鮮同唔新鮮好容易分出。
刪除