今天早上送我朋友到機場後,我同老妻講好耐冇吃四川菜,不如去越南街間川王府吃 lunch 啦,上次去己經是好耐之前,點知去到見關門大吉,焗住又要行過對面吃燒味碟頭飯,記憶中呢間開了好似一年多,翻查一下舊貼文,真係開了一年多,在多越南人聚居的地方開川菜想唔執笠都難咯,麻辣囗味不是好多人喜歡,反而有兩間中式酒樓捱了十多年還是不倒.
剛好上篇舊貼文有以前我同一位朋友 whats app 的對話,想起他也曾和我去過好多次旅行,他的老婆是四川成都人,去年我返香港時,有日和他一起吃午飯,見他冇帶他老婆出來,我順口問他你老婆呢?他說已經離婚喇,她返回成都,唉咁就玩完,男女感情的問題我不想理也不便多問,只知道他們結婚大約有十四/五年,好彩無兒無女.
http://ngwai.blogspot.com.au/2014/05/sichuan.html
以前的人少離婚是有原因的，就是因為太多兒女要照顧……
回覆刪除哈哈，咁諗法唔知啱唔啱？
Shu 兄，對的，確實有些道理。
回覆刪除不過我香港有六位朋友到大6娶老婆，但有五位離婚收場，真係冇乜好結果，佢地老婆包括有四川，湖南，湖北，貴州人，其中有三位仲有小孩，情願留底小孩自己隻身返回大6，最大原因是生活習慣唔同，經濟能力，居住環境，語言又唔同，同佢地以為嫁來香港的想法完全不同，所以落差太大。
同四川姑娘結婚之港人很多。友人回成都搞生意娶四川女，現在很幸福呢
回覆刪除Peter兄，香港以前好多男的北上娶妻，實際上乜嘢地方的女人都有好有唔好，最緊要自己有冇眼光，自己知自己事，有些事是不能勉強的，明白大家是否合得來。
刪除做生意難！做夫妻難！要在呢個世界生存不容易！
回覆刪除Stella 姐，係咯，依家生意真係難做，租金物料人工貴，競爭又多，大魚食細魚。
刪除啱架，做夫妻真係唔容易，依家的人對婚姻冇乜承諾，合則來不合則去。
Wai 兄、做生意真係要事先做好市場調查、盲舂舂咁一定撞板多過食飯。
回覆刪除所謂緣起緣盡、確實無人會知到它朝係點嘅。總之珍惜眼前人就是。
域Sir，係咯，盲舂舂想唔執都難。
刪除講得啱架，珍惜眼前人，真係無人知道將來結果如何。
Wai 兄晚上好,
回覆刪除異地情緣真係冇乜好結果架，因為大家文化及生活方式唔同,加上男方有些作大和女方祈望過高,咁就因誤解而結合,到了解而分開喇,
華兄，下午好。
刪除你講中大部份，好似朋友結婚時，一開始我就覺得唔妥，不過他當局者迷，自己大過女的超過20多年，就算冇代溝都有隔膜啦。