 |
| 南瓜 |
 |
| 蘆筍 |
 |
| 秋葵 |
去年十月返香港時,買了一部 Nikon AW 130 防水相機,港幣$2500 比這裡還貴百多港元,不過我想反正錢是在香港股市賺的,取之香港用之於香港,算幫一下香港的零售業.相機買回來有幾個月,冇乜時間去影相,前天才是第一次拿出花園拍照,呢部相機像素1600多萬,防水深逹30米,又防撞擊,仲有全球衛星定位,我一按衛星定位的制,就出一幅地圖標示我現在的位置,連附近幾條街道的名字都列出,說明書更寫有本相機受到美國出口管理條例管制,出口轉口去古巴,伊朗,北韓,蘇丹和敘利亜要美國政府批准,好似有些軍事價值.
南瓜不經不覺都長得幾大個,若果二/三天冇睇,一見又大個佐好多大得好快,蘆筍又愈生愈多,數下已經有十一條,明年開始步入收成期,秋葵種了三棵,都有一個多月了,種籽是我在網上向雪梨一間種籽店購買,一小包內有25粒,連郵費澳元五元多,澳洲法例規定所有種籽都不能從外國帶入,包括郵寄,若果入境攜帶種籽,申報就充公,冇申報比佢地查出就好大鑊.
防水相機凖備潛水用嗎？。
回覆刪除Stella 姐，叻。
刪除我想…秋葵必定要生長在較熱氣候的地方，因為吃馬拉咖哩就常見到有秋葵裡面。
回覆刪除Shu 兄，秋葵不能算熱帶植物，墨爾本夏天尾至初秋都啱氣候，好容易種，真正熱帶植物如榴連，芒果就真係冇辦法啦。
刪除睇見你種啲植物就開心!原來南瓜先是這樣長出來的。
回覆刪除阿姨，南瓜好粗生，只不過要佔好多地方比它欄爬。
刪除Wai兄、我想你部相機之所受美國出口管制、大概是那全球定位系統嘅關係。
回覆刪除從圖片看來、得快就有南瓜吃喇！
域Sir，咪就係因為全球定位咯，不過老美緊張，依家好多嘢都有全球定位系統，好似汽車用的導航，手機的導航。
刪除南瓜過多三個星期就可收成。